ଦାରିଙ୍ଗବାଡ଼ି ୬/୮ : ଦାରିଙ୍ଗବାଡ଼ି ବ୍ଲକରୁ ଆଜି ୧୪ ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ନେଇ ଜିଲ୍ଲାପାଳ ଟ୍ୱିଟ ଯୋଗେ ସୂଚନା ଦେଇଛନ୍ତି l ଚିହ୍ନଟ ୧୪ଜଣଙ୍କ ମଧ୍ୟରେ ଦାରିଙ୍ଗବାଡ଼ି ବ୍ଲକ କାର୍ଯ୍ୟାଳୟର ୧୦ ଜଣ କରୋନା ଯୋଦ୍ଧା ରହିଛନ୍ତି। ସଂକ୍ରମିତ ଯୋଦ୍ଧା ମାନଙ୍କ ମଧ୍ୟରେ ବ୍ଲକର କନିଷ୍ଠଯନ୍ତ୍ରୀ ସମେତ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଓ ଅନ୍ୟ କିଛି କର୍ମଚାରୀ ଭାବେ ୧୦ଜଣ ରହିଛନ୍ତି।
ସେହିପରି ଅନ୍ୟମାନଙ୍କ ମଧ୍ୟରେ ନୀଳକନ୍ଦର ସାହିର ୫୫ ବର୍ଷୀୟ ପୁରୁଷ ୩୮ ବର୍ଷର ମହିଳା ,ଗ୍ରୀନବାଡ଼ିର ୬୫ ବର୍ଷୀୟ ବୃଦ୍ଧଙ୍କ ସମେତ ବି.ଡକେବାଡ଼ି ଅଂଚଳର ଜଣେ ୨୮ବର୍ଷୀୟା ମହିଳା ରହିଥିବା ଜଣାପଡ଼ିଛି l ସୂଚନାପ୍ରକାରେ ଦାରିଙ୍ଗବାଡ଼ି ବ୍ଲକରୁ ପ୍ରଥମେ ସହକାରୀ ନିର୍ବାହୀ ଯନ୍ତ୍ରୀ ପଜିଟିଭ ଚିହ୍ନଟ ହୋଇଥିବା ବେଳେ ଗତକାଲି ଦାରିଙ୍ଗବାଡ଼ି ବିଡିଓ ମଧ୍ୟ ପଜିଟିଭ ଚିହ୍ନଟ ହୋଇଥିଲେ l ସଂକ୍ରମିତ ହୋଇଥିବା ସମସ୍ତଙ୍କର ଚିକିତ୍ସl ଚାଲିଥିବା ଜଣାପଡ଼ିଛି। ଗତକାଲି ମଧ୍ୟ ଜିଲ୍ଲାରୁ ୨୦ ଜଣ ସଂକ୍ରମିତ ହୋଇଥିବାବେଳେ ସେମାନଙ୍କ ମଧ୍ୟରୁ କେବଳ ଦାରିଙ୍ଗବାଡ଼ିରେ ୧୨ଜଣ ଚିହ୍ନଟ ହୋଇଥିଲେ। ଦାରିଙ୍ଗବାଡ଼ି ବିଡିଓ ଗତକାଲି ପଜିଟିଭ ଚିହ୍ନଟ ହେବା ପରେ ତାଙ୍କ ସଂସ୍ପର୍ଶରେ ଆସି ଆଜି ଆଉ ୧୦ଜଣ କରୋନା ଯୋଦ୍ଧା ସଂକ୍ରମିତ ହୋଇଥିବା ଜଣାପଡ଼ିଛି l
