ବୌଦ୍ଧ: ଜାତୀୟ ରାଜପଥ ନମ୍ବର୍ ୫୭ ର ବାଉଁଶୁଣି ଇଣ୍ଡିଆନ୍ ଅଏଲ ପେଟ୍ରୋଲ୍ ପମ୍ପ ନିକଟରେ ଭାରସାମ୍ୟ ହରାଇ ରାସ୍ତା କଡ ଗୋଟିଏ ଗଛକୁ ଧକ୍କା ଦେଇ ବୋଲେରୋ ପିକଅପ୍ ଗାଡି ଦୁର୍ଘଟଣା ଘଟିଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ସକାଳ ପ୍ରାୟ ଘ ୯. ୩୦ ମିନିଟ ସମୟରେ ଜାତୀୟ ରାଜପଥ ନମ୍ବର୍ ୫୭ରେ ଦ୍ରୁତଗତିରେ ଯାଉଥିବା ଗୋଟିଏ ବୋଲେରୋ ପିକଅପ୍ ଗାଡି ଭାରସାମ୍ୟ ହରାଇ ବାଉଁଶୁଣିରୁ ଇଣ୍ଡିଆନ୍ ଅଏଲ ପେଟ୍ରୋଲ୍ ପମ୍ପ ନିକଟରେ ରାସ୍ତା କଡର ଗୋଟିଏ ଗଛକୁ ଧକ୍କା ଦେଇଥିଲା । ଘଟଣାରେ କେହି ଆହତ ହୋଇ ନାହାନ୍ତି । କିଛି ସମୟ ପରେ ନିକଟରେ ଥିବା ଏକ ଜେସିବି ସାହାଯ୍ୟରେ ଗାଡିକୁ ଉଦ୍ଧାର କରାଯାଇଛି ।
