ବୌଦ୍ଧ : ଆଜି ବୌଦ୍ଧ ଜିଲ୍ଲାରେ ୩୪ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ପୂର୍ବରୁ ବୌଦ୍ଧ ଜିଲ୍ଲାରେ ୧୬୨ ଜଣଙ୍କ ଦେହରେ କରୋନା ପଜିଟିଭ ଚିହ୍ନଟ ହୋଇଥିବା ବେଳେ ଆଜି ୩୪ କୁ ମିଶାଇଲେ ମୋଟ୍ କରୋନା ପଜିଟିଭ ସଂଖ୍ୟା ୧୯୬ ରେ ପହଞ୍ଚିଲା । ଆଜିର ପଜିଟିଭ ମଧ୍ୟରେ ବଉଦ ବ୍ଲକ୍ ଲକ୍ଷ୍ମୀପ୍ରସାଦ ଗ୍ରାମ୍ ପଂଚାୟତ ନାରୟଣ ନଗର ଗ୍ରାମରୁ ୧୨ ଜଣ, ହରଭଙ୍ଗା ବ୍ଲକ୍ ପୁରୁଣାକଟକରୁ ୮ ଜଣ, କଣ୍ଟାମାଳ ବ୍ଲକ୍ ଦପଲା ଗ୍ରାମ ପଂଚାୟତର ବଉଳସିଙ୍ଗା ଗ୍ରାମରୁ ୮ ଜଣ, ବୌଦ୍ଧ ବ୍ଲକ୍ ବଲାସିଙ୍ଗାରୁ ୪ ଜଣ ଓ କଟକରେ ରହି କାମ କରୁଥିବା ବୌଦ୍ଧ ଜିଲ୍ଲାର ୨ ଜଣ ପ୍ରବାସୀ ଶ୍ରମିକ । ଉଭୟ ଅସୁସ୍ଥ ହେବାରୁ ଭୁବନେଶ୍ୱରରେ ଚିକିତ୍ସାଧୀନ ଅଛନ୍ତି ଓ ତାଙ୍କର ପଜିଟିଭ ଚିହ୍ନଟ ହେବା ପରେ ବୌଦ୍ଧ ଜିଲ୍ଲାର ତାଲିକାରେ ତାଂକର ନାମ ଯୋଗ କରାଯାଇଥିବା ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଆମ ଜିଲ୍ଲାରୁ ଯାଇଥିବା ସ୍ୱାବ ମଧ୍ୟରୁ ୩୨ ଜଣଙ୍କ ପଜିଟିଭ ବାହାରିଛି ଓ ସମସ୍ତେ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ ବୋଲି ସୂଚନା ମିଳିଛି ।
