ବୌଦ୍ଧ – ମନମୁଣ୍ଡା ଥାନା ଝିଙ୍କର ପାଲି ଗ୍ରାମରେ ଧାର ଟଂକା ମଗାକୁ କେନ୍ଦ୍ର କରି ଗଣ୍ଡଗୋଳ ହେବା ସହ ହତ୍ୟା ଧମକ ଦିଆ ଯାଇଥିବା ମନମୁଣ୍ଡା ଥାନାରେ ଅଭିଯୋଗ ହୋଇଛି | ଅଭିଯୋଗ ଅନୁଯାୟୀ ଝିଙ୍କର ପାଲି ଗ୍ରାମର ରଘୁନାଥ କରଙ୍କ ନିକଟରୁ ଗ୍ରାମର ହିମାଂଶୁ କର ବାର ହଜାର ଟଙ୍କା ଧାର ନେଇ ଥିଲେ l ଟଂକା ପରିଶୋଧ ନ କରିବାରୁ ରଘୁନାଥ କିଛି ଦିନ ତଳେ ହିମାଂଶୁଙ୍କୁ ଟଂକା ଫେରାଇବା ପାଇଁ କହିଥିଲେ l ଉଭୟଙ୍କ ମଧ୍ୟରେ ବଚସl ହୋଇଥିଲା | ଏ ଘଟଣାକୁ ନେଇ ହିମାଂଶୁ ଗତ 6 ତାରିଖ ଦିନ 4 ଘଣ୍ଟା ସମୟରେ ହାତରେ ଗୋଟିଏ ଟାଙ୍ଗିଆ ଧରି ରଘୁନାଥ କରଙ୍କ ଘରକୁ ଆସି ତାଙ୍କ ମାଙ୍କୁ ଧକ୍କା ମାରିବା ସହ ପିତା ପରମେଶ୍ବର କରଙ୍କ ବେକରେ ଟାଙ୍ଗିଆରେ ଆଘାତ କରିଥିବା ମନମୁଣ୍ଡା ଥାନାରେ ରଘୁନାଥ ଅଭିଯୋଗ କରିଛନ୍ତି | ମନମୁଣ୍ଡା ପୋଲିସ ଏ ସମ୍ପର୍କରେ 119 / 2020 ରେ ଆଈ ପି ସି ର ଧାରା 451, 294,307, 506 ଦଫାରେ ଗୋଟିଏ ମାମଲା ରୁଜୁ କରିଥିବା ଜଣାପଡିଛି l ମନମୁଣ୍ଡା ଥାନା ଏ.ଏସ.ଆଇ. ପି. କେ. ଷଡ଼ଙ୍ଗୀ ମାମଲାର ତଦନ୍ତ କରୁଥିବା ସୂଚନା ମିଳିଛି l
