ବୌଦ୍ଧ -ଶନିବାର ରାତି ପ୍ରାୟ ଘ 8. 30 ମିନିଟ ସମୟରେ ଜାତୀୟ ରାଜପଥ ନମ୍ବର୍ 57 ର ଚାରିଛକର ଗୋଲେଇ ଛକ ନିକଟରେ ଗୋଟିଏ ମାଲବାହୀ ଟ୍ରକ ଓ ଯାତ୍ରୀ ବାହୀ ଅଟୋ ମଧ୍ୟରେ ଧକ୍କା ହେବାରୁ ଜଣେ ପାସେଞ୍ଜର୍ ମୃତ୍ୟୁବରଣ କରିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଭୁବନେଶ୍ୱରରୁ ବଲାଙ୍ଗୀର ଯାଉଥିବା W B 33B 2889 ନମ୍ବର୍ ଆଳୁ ବୋଝେଇ ଟ୍ରକ ଆସୁଥିବା ବେଳେ ଫୁଲବାଣୀ ଆଡୁ ଆସୁଥିବା ଗୋଟିଏ ପାସେଞ୍ଜର୍ ଅଟୋ ଓଡି12 ବି 8430 ସହିତ ଚାରିଛକ ଗୋଲେଇ ଛକ ନିକଟରେ ପରସ୍ପର ମଧ୍ୟରେ ଧକ୍କା ହୋଇଥିଲା | ଧକ୍କା ରେ ଅଟୋର ଜଣେ ପାସେଞ୍ଜର୍ ପଙ୍କଜ ବେହେରା ଘଟଣାସ୍ଥଳରେ ମୃତ୍ୟୁବରଣ କରିଥିଲେ | ମୃତକ ପଙ୍କଜ କନ୍ଧମାଳ ଜିଲ୍ଲା ବିଲାବାଡ଼ି ନିକଟ ଡୁଗୁଡା ଗ୍ରାମର ଓ ପଡୋଶୀ ଘର ଝିଅ ଓ ତାର ଶାଶୂକୁ ଚାରିଛକ ନିକଟ ବାଘଛେପରା ଗ୍ରାମକୁ ଛାଡିବାକୁ ଆସିଥିଲେ l ଅଟୋ ଡ୍ରାଇଭର ଲୁଣିବାହାଲ୍ ଅଂଚଳର ଓ ସେ କୌଣସି କାମରେ ବିଲାବାଡି ଅଞ୍ଚଳକୁ ଯାଇଥିବା ବେଳେ ଏମାନଙ୍କୁ ଅଟୋରେ ବାଘଛେପରା ରେ ଛାଡିବା ପାଇଁ ଆଣୁଥିଲେ l ପୁରୁଣା କଟକ ଥାନା ପୋଲିସ୍ ଘଟଣାସ୍ଥଳରେ ପହଂଚି ଉଭୟ ଗାଡି ଓ ମୃତକଙ୍କ ଶବକୁ ଜବତ୍ କରି ଟ୍ରକ ଡ୍ରାଇଭର ଓ ହେଲ୍ପରକୁ ଅଟକ ରଖି ତଦନ୍ତ ଚଳାଇଛି l ଆଜି ମୃତ ବ୍ୟକ୍ତିଙ୍କ ଶବକୁ ପୋଷ୍ଟମଟମ କରାଯିବା ପରେ ପରିବାରବର୍ଗଙ୍କୁ ହସ୍ତାନ୍ତର କରାଯିବ ବୋଲି ଜଣାପଡିଛି l
