ଭୁବନେଶ୍ୱର : ଜଟଣୀ ବିଧାୟକ ତଥା ପୂର୍ବତନ ମନ୍ତ୍ରୀ ବରିଷ୍ଠ କଂଗ୍ରେସ ନେତା ସୁରେଶ କୁମାର ରାଉତରାୟଙ୍କ ଜନ୍ମଦିବସକୁ ଆଜି କଂଗ୍ରେସ ପାଳନ କରିଛି । କେବଳ କଂଗ୍ରେସ ନୁହେଁ, ସୁରେଶ ରାଉତରାୟଙ୍କୁ ଭଲ ପାଉଥିବା ବିଭିନ୍ନ ସାମାଜିକ ଅନୁଷ୍ଠାନ ରାଉତରାୟଙ୍କ ଜନ୍ମଦିନ ଉପଲକ୍ଷେ ବିଭିନ୍ନ କାର୍ଯ୍ୟକ୍ରମ କୋଭିଡ-୧୯ ଗାଇଡଲାଇନକୁ ଅନୁସରଣ କରି ପାଳନ କରିଥିଲେ । ଏହି ଉପଲକ୍ଷେ ରକ୍ତଦାନ ଶିବିର, ବୃକ୍ଷରୋପଣଠାରୁ ଆରମ୍ଭ କରି ବନ୍ଧୁମିଳନର ଆୟୋଜନ ହୋଇଥିଲା । ଏଥିରେ ପିସିସି ସଭାପତି ନିରଞ୍ଜନ ପଟ୍ଟନାୟକ, ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନଙ୍କ ସମେତ ବହୁ କଂଗ୍ରେସ ନେତା, ଶୁଭେଚ୍ଛୁ ଓ ସମର୍ଥକ ଯୋଗ ଦେଇଥିଲେ । ବିଶେଷ କଥା ଯେ ଶ୍ରୀ ରାଉତରାୟଙ୍କ ଜନ୍ମଦିନ ଅବସରରେ ଗଣମାଧ୍ୟମର ବନ୍ଧୁମାନେ କେକ୍ କଟା କାର୍ଯ୍ୟକ୍ରମରେ ମଧ୍ୟ ସାମିଲ ହୋଇଥିଲେ ।
