ବୌଦ୍ଧ,୧୩/୮ – ବୁଟୁପାଲି-ବଘିଆପଡା ରାସ୍ତାର ତେତେଲେଙ୍ଗା ମାତା ମଠ ନିକଟରେ ଆଜି ଦିନ ପ୍ରାୟ ଘ ୧୧. ୩୦ ମିନିଟ ସମୟରେ ଏକ ମାଟି ବୋଝେଇ ହାଇୱା ରାସ୍ତା କଡରେ ଓଲଟି ପଡି ଦୁର୍ଘଟଣାଗ୍ରସ୍ତ ହୋଇଛି । ମିଳିଥିବା ସୂଚନା ଅନୁଯାୟୀ ବଘିଆପଡା ପୂର୍ତ୍ତବିଭାଗ ରାସ୍ତା କାମ କରୁଥିବା ଠିକା ସଂସ୍ଥା ଏ.ଆର.ଏସ.ଏସ.ର ଗୋଟିଏ ହାଇୱା ଓଡି୦୨ବିସି୧୯୬୩ ମାଟିବୋଝେଇ କରି ଅନଲୋଡ ପାଇଁ ରାସ୍ତା କଡରେ ସାଇଡ୍ କରୁଥିବା ବେଳେ ମାଟିରେ ଚକ ଦବିଯାଇ ଓଲଟି ପଡିଛି । ଗାଡିର ଡ୍ରାଇଭର ଅଳ୍ପକେ ବର୍ତ୍ତି ଯାଇଥିବାବେଳେ ମାଟି ପଡି ଜଣେ ଚାଷୀଙ୍କ ଧାନ ଗଛ ଗୁଡିକ ପୋତି ହୋଇଯାଇଛି ।
