ଫୁଲବାଣୀ,୧୫/୮: କନ୍ଧମାଳ ଜିଲ୍ଲାର ଖଜୁରୀପଡା ସରକାରୀ ନୋଡାଲ ଉଚ୍ଚ଼ ବିଦ୍ୟାଳୟ ଖେଳପଡ଼ିଆ ଠାରେ ବ୍ଲକ ସ୍ତରୀୟ ୭୪ତମ ସ୍ୱାଧୀନତା ଦିବସ କୋଭିଡ ନିୟମ ଅନୁସାରେ ଏବଂ ପ୍ରବଳ ବର୍ଷା ସତ୍ତେ୍ୱ ପାଳନ କରାଯାଇଛି । ପଂଚାୟତ ସମିତି ଅଧ୍ୟକ୍ଷ ଶ୍ରୀ ବିରେନ୍ଦ୍ର କୁମାର କହଁର ମୁଖ୍ୟ ଅତିଥି ଭାବେ ଯୋଗଦାନ କରି ପତାକା ଉତ୍ତୋଳନ କରିଥିବାବେଳେ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ରବିନ୍ଦ୍ର ନାଥ କହଁର ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଦିବ୍ୟସିଂହ କହଁରଙ୍କ ସହ ପିଇଟି ରଙ୍କନିଧି ଏନସିସି ଶିକ୍ଷକ ଅରୁପ କୁମାର ବେହେରା ସ୍କାଉଟ ଶିକ୍ଷକ ଶ୍ରୀ କୈଳାସ ଚନ୍ଦ୍ର ସ୍ୱାଇଁଙ୍କ ସହ ବ୍ଲକର ସମସ୍ତ କର୍ମଚାରୀ ସାମାଜିକ ଦୂରତା ପାଳନ କରି ସ୍ୱାଧୀନତା ଦିବସ ପାଳନ କରିଥିଲେ । ସେହିଭଳି ଖଜୁରୀପଡ଼ା ତହସିଲ କାର୍ଯାଳୟ ଠାରେ ତହସିଲଦାର ଶ୍ରୀମତୀ ସ୍ୱପ୍ନିତା ନାୟକ ସମସ୍ତ କର୍ମଚାରୀଙ୍କ ସହ ଉପସ୍ଥିତ ହୋଇ ଜାତୀୟ ସଙ୍ଗୀତ ଗାନ କରିଥିବା ବେଳେ ତହସିଲଦାର ଶ୍ରୀମତୀ ନାୟକ ପତାକା ଉତ୍ତୋଳନ କରିଥିଲେ । ଖଜୁରୀପଡ଼ା ଥାନା ଅଧିକାରୀ ଶ୍ରୀ ରମାକାନ୍ତ ପାତ୍ର ପୋଲିସ କର୍ମଚାରୀଙ୍କ ସହ ଏବଂ ବିଭିନ୍ନ ସଂଗଠନ କ୍ଲବ୍ ଏବଂ ବର୍ଗର ଜାତି ସମାଜ କାର୍ଯ୍ୟାଳୟ , ବିଦ୍ୟାଳୟ ଆଦିରେ ୭୪ତମ ସ୍ୱାଧୀନତା ଦିବସ କୋଭିଡ ୧୯ନିୟମ ଅନୁଯାୟୀ ପାଳିତ ହୋଇଯାଇଛି ।
