କଣ୍ଟାବାଞ୍ଜି, ୧୫/୮- ବଲାଙ୍ଗୀର ଜିଲ୍ଲା ଅନ୍ତର୍ଗତ କଣ୍ଟାବାଞ୍ଜି ରେ ଆଜି ୭୪ ତମ ସ୍ୱାଧୀନତା ଦିବସ ସରକାରଙ୍କ ମାର୍ଗଦର୍ଶନ ଅନୁସାରେ ପାଳିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ଯୋଗଦେଇ ପତାକା ଉତ୍ତୋଳନ କରିବା ସହିତ ବର୍ତ୍ତମାନ କରୋନା ମହାମାରୀରୁ ସୁରକ୍ଷିତ ରହିବା ପାଇଁ ମାସ୍କ, ସାମାଜିକ ଦୁରତା ଓ ବିଶୋଧନକୁ ମହତ୍ୱ ଦେବାକୁ ଅନୁରୋଧ କରିଥିଲେ । ବିଧାୟକ ଅଞ୍ଚଳ ବାସୀଙ୍କୁ ଭାରତୀୟ ଏକତା ଓ ଅଖଣ୍ଡତାର ମହତ୍ୱ ବଜାୟ ରଖିବା ପାଇଁ ଆହ୍ୱାନ ଦେଇଥିଲେ । କର୍ମଚାରୀ ମାନଙ୍କୁ ମଧ୍ୟ ଶୁଭେଚ୍ଛା ଜଣାଇଥିଲେ । ଏହି ଅବସରରେ ପଶ୍ଚିମ ଓଡିଶାର ଗଣପର୍ବ ନୂଆଁଖାଇ ଶୁଭେଚ୍ଛା ସହ ସରକାରୀ କଟକଣାକୁ ପାଳନ କରିବା ପାଇଁ ଅନୁରୋଧ କରିଛନ୍ତି । ଏହି ଉତ୍ସବରେ ଡାକ୍ତର, ପୋଲିସ, ସ୍ୱାସ୍ଥ୍ୟ କର୍ମଚାରୀ, ସଫେଇ କର୍ମଚାରୀ ଆଦି କରୋନା ଯୋଦ୍ଧାଙ୍କୁ ସମ୍ମାନିତ କରାଯାଇଥିଲା ।
