ସୋନପୁର : ଦିନକୁ ଦିନ କରୋନା ଯେଭଳି କ୍ରମାଗତ ଭାବରେ ତାର କାୟାବିସ୍ତାର କରି ଚାଲିଛି ତାହା ଚିନ୍ତା ବଢ଼ାଇଥିବା ବେଳେ ବର୍ତ୍ତମାନ ପର୍ଯ୍ୟନ୍ତ କରୋନାରେ ୨ଜଣଙ୍କ ମୃତ୍ୟୁ ଜିଲ୍ଲାର ଜନସାଧାରଣଙ୍କ ମଧ୍ୟରେ ଭୟ ସଞ୍ଚାର କରିଛି । ଗତ ୨ଦିନତଳେ ଡୁଙ୍ଗୁରିପାଲି ବ୍ଲକର ଜଣେ ମହିଳା ପ୍ରାଣ ହରାଇଥିବା ବେଳେ ଗତକାଲି ବୀରମହାରାଜପୁର ବ୍ଲକ ସୁବଳୟା ଅଂଚଳ ଟିକ୍ରାପଡାର ଜଣେ ବ୍ୟକ୍ତି ଯେକି ସଂକ୍ରମିତ ହୋଇ ଗତ ୧୦ତାରିଖରେ କୋଭିଡ୍ ହସ୍ପିଟାଲରେ ରହି ଚିକିତ୍ସିତ ହେଉଥିଲେ । ତାଙ୍କର ମୃତ୍ୟୁ ପରେ ଅତ୍ୟନ୍ତ ସତର୍କତା ଅବଲମ୍ବନ କରି ତାଙ୍କର ଶବ ସତ୍କାର କରାଯାଇଥିଲା ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି । ତେଣେ ଜିଲ୍ଲାରେ ସଂକ୍ରମିତ ଙ୍କସଂଖ୍ୟା ବଢ଼ି ୩୩୯ରେ ପହଞ୍ଚିଥିବା ଜଣାପଡିଛି । ଏମାନଙ୍କ ମଧ୍ୟରୁ ୧୧୯ ଜଣ ହୋମ୍ ଆଇସୋଲେସନ୍ ରେ ଥିବାବେଳେ ୪୮ଜଣ ସକ୍ରିୟ ଥିବା ଓ ବାକି ସମସ୍ତ ୧୭୨ ଜଣ ସୁସ୍ଥ ହୋଇ ନିଜ ନିଜର ଘରକୁ ଫେରିଛନ୍ତି ବୋଲି ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ ଡ଼.ଦିଲୀପ କୁମାର ପଣ୍ଡା ସୂଚନା ଦେଇଛନ୍ତି
