ବେଆଇନ୍ ମଦ ଭାଟିରେ ପୋଲିସ୍ ପକ୍ଷରୁ ଚଢ଼ାଉ ୧୨୦ କେଜି ପୋଚ ନଷ୍ଟ,୬୦ ଲିଟର ମହୁଲି ମଦ ଜବତ ଦୁଇ ମହିଳାଙ୍କ ସମେତ ତିନିଜଣ ଗିରଫ
ବାଲିଗୁଡ଼ା, ୨୫/୮: କନ୍ଧମାଳ ଜିଲ୍ଲା ସାରଙ୍ଗଡ଼ ପୋଲିସ୍ ପକ୍ଷରୁ ଦେଶୀ ମଦ ଭାଟିରେ ଚଢ଼ାଉ । ଘଟଣାସ୍ଥଳରେ ୧୨୦କେଜି ମହୁଲ ପୋଚ ନଷ୍ଟ କରିବାସହ ୬୦ ଲିଟର ମହୁଲି ମଦ ଜବତ କରିଛି ପୋଲିସ୍ । ସେପଟେ ଘଟଣାରେ ସଂପୃକ୍ତ ଦୁଇଜଣ ମହିଳା ଓ ଜଣେ ପୁରୁଷଙ୍କୁ ଗିରଫ କରି କୋର୍ଟ ଚାଲାଣ କରିଛି ସାରଙ୍ଗଡ଼ ପୋଲିସ୍ । କରୋନାକୁ ନେଇ ଲୋକେ ଆତଙ୍କିତ ଥିବାବେଳେ କିଛି ଅସାମାଜିକ ଲୋକେ ଦେଶୀମଦ ରନ୍ଧା ଓ ବିକ୍ରି କରିବାରେ ଲାଗିପଡଡ଼ିଛନ୍ତି । ପୂର୍ବ ସୂଚନା ପ୍ରକାରେ ଆଜି ସାରଙ୍ଗଡ଼ ଆଇଆଇସି ଅନିତା କିଡୋ ନିଜ ଟିମ୍ ସହ ବେଆଇନ୍ ମଦ ଭାଟିରେ ଚଢ଼ାଉ କରିଥିଲେ । ଘଟଣାସ୍ଥଳରେ ୧୨୦କେଜି ପୋଚ ନଷ୍ଟ କରିବାସହ ୬୦ ଲିଟର ରନ୍ଧା ମହୁଲି ମଦ ଜବତ କରିଛି ପୋଲିସ୍ । ଗିରଫ ତିନି ଜଣଙ୍କ ମଧ୍ୟରୁ କୁମୁଦିନୀ ବେହେରା ଓ ଗୋପିନାଥ ନାୟକ ଗୁଡ୍ରିପଡ଼ି ଅଞ୍ଚଳର ହୋଇଥିବାବେଳେ ଜଶୋଦା ନାୟକ ପାଡାଙ୍ଗି ଅଞ୍ଚଳର ହୋଇଥିବା ପୋଲିସ୍ ପକ୍ଷରୁ ସୂଚନା ମିଳିଛି । ସେପଟେ ଏଭଳି ବେଆଇନ୍ ମଦ କାରବାରକୁ ପ୍ରଶୟ ଦିଆଯିବ ନାହିଁ । ଅଞ୍ଚଳରେ ଏଭଳି ଚଢ଼ାଉ ଆଗକୁ ମଧ୍ୟ ଜାରିରହିବ ଏବଂ ଅଭିଯୁକ୍ତଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ସାରଙ୍ଗଡ଼ ଥାନା ମହିଳା ଆଇଆଇସି ଅନିତା କିଡୋ ।
