ବୌଦ୍ଧ,୨୭/୮ – ଗତ ତିନି ଦିନ ଧରି ବୌଦ୍ଧ ଜିଲ୍ଲାରେ ହୋଇଥିବା ଲଗାଣ ବର୍ଷାରେ ବ୍ୟାପକ କ୍ଷୟକ୍ଷତି ହୋଇଛି । ଗ୍ରାମାଞ୍ଚଳରେ ସାଧାରଣ ଗରିବଲୋକେ ରହୁଥିବା ଅନେକ କଚ୍ଚାଘର ଲଗାଣ ବର୍ଷାରେ ଭାଙ୍ଗି ଯାଇଥିବା ଜଣାପଡିଛି । ଫଳରେ ଘର ଭାଙ୍ଗି ଯାଇଥିବା ପରିବାରମାନେ ଅନ୍ୟତ୍ର ମୁଣ୍ଡ ଗୁଞ୍ଜିବା ପାଇଁ ବାଧ୍ୟ ହେଉଛନ୍ତି । ଗ୍ରାମର ଗୋଷ୍ଠୀ କେନ୍ଦ୍ର କିମ୍ବା କାହା ପାଖରୁ ଆଶ୍ରୟ ପାଇଁ ଘର ବଖରାଟେ ମାଗି ରହୁଥିବା ଦେଖିବାକୁ ମିଳିଛି । ଘର ଭାଙ୍ଗିଥିବା ପରିବାର ଲୋକ ମାନଙ୍କୁ ରାଜସ୍ୱ ବିଭାଗ ପକ୍ଷରୁ ପଲିଥିନ କିମ୍ବା ଗ୍ରାମ ପଂଚାୟତ ତରଫରୁ କୌଣସି ଖାଦ୍ୟ ସାମଗ୍ରୀର ସହାୟତା ଯୋଗାଇ ଦିଆଯାଇ ନଥିବା ଅଭିଯୋଗ ହେଉଛି । ସମ୍ପୃକ୍ତ ଅଂଚଳର ରାଜସ୍ୱ ନିରୀକ୍ଷକମାନେ ମଧ୍ୟ ଘଟଣାସ୍ଥଳକୁ ଯାଇ କ୍ଷୟକ୍ଷତିର ଆକଳନ କରିନଥିବା ଜଣାପଡିଛି । ଏ ସମ୍ପର୍କରେ ୩ ତହସିଲର ତହସିଲଦାରମାନେ ବିହିତ ପଦକ୍ଷେପ ଗ୍ରହଣ କରିବାକୁ ଜନସାଧାରଣରେ ଦାବୀ ହେଉଛି ।
