ପୁରୀ : ଶ୍ରୀମନ୍ଦିରର ଭିତର ଓ ବାହାର ଚାରିଦ୍ୱାର ଓ କବାଟର ମରାମତି କରାଯିବା ସହିତ ଏହା ଉପରେ ରୂପାଚାଦର ଆସ୍ତରଣ ଲଗାଯିବ । ଶ୍ରୀମନ୍ଦିରର ସିଂହଦ୍ୱାର, ଜୟବିଜୟ ଦ୍ୱାର, କଳାହାଟ ଦ୍ୱାର, ରତ୍ନଭଣ୍ଡର ଭିତର ଓ ବାହାର ଦ୍ୱାର, ବଡଦେଉଳର ଉତ୍ତର, ପଶ୍ଚିମ ଓ ଦକ୍ଷିଣ ଦ୍ୱାର ନୂଆକରି ତିଆରି କରାଯିବ । ଏ ସବୁ ଦ୍ୱାର ପାଇଁ ସୁଦୂର ବର୍ମାରୁ ମୂଲ୍ୟବାନ ପିଆଶାଳ କାଠ ଆମଦାନୀ କରାଯାଇ ଅଭିଜ୍ଞ କାରିଗରଙ୍କ ଦ୍ୱାରା କାରୁକାର୍ଯ୍ୟ ସଂପନ୍ନ କବାଟ ତିଆରି କରାଯିବା ପରେ ଏହା ଉପରେ ରୂପା ଚାଦର ଆସ୍ତରଣ କରାଯିବ । ଜଣେ ଭକ୍ତ ଏହି ରୂପା ପ୍ରଦାନ କରିଥିବା ଶ୍ରୀ ମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ରାଜସ୍ଥାନର କାରିଗରମାନେ ଏହାର ଡିଜାଇନ କରିବେ ବୋଲି କୁହାଯାଇଛି ।
