ବୌଦ୍ଧ,୨୯/୮ – ଗତକାଲି କଣ୍ଟାମାଳ ବ୍ଲକ୍ ବରଗାଆଁ ଗ୍ରାମ ପଂଚାୟତ ଅନ୍ତର୍ଗତ ଶିମିଳିଯୋରା ଗ୍ରାମରୁ କରୋନା ପଜିଟିଭ ବାହାରିଥିବା ଜିଲ୍ଲା ପ୍ରଶାସନ ଠାରୁ ସୂଚନା ପାଇବା ପରେ ସଂକ୍ରମଣକୁ ରୋକିବା ପାଇଁ ସରପଞ୍ଚ ବେଲମତୀ ସେଠୀ ଶିମିଳିଯୋରା ଗ୍ରାମକୁ ଗତକାଲି ସକାଳ ୧୧ ଘଣ୍ଟା ଠାରୁ ଆସନ୍ତା ୩୧. ୮. ୨୦୨୦ ମଧ୍ୟରାତ୍ରୀ ପର୍ଯ୍ୟନ୍ତ ସର୍ଟ ଡାଉନ୍ ଘୋଷଣା କରିଛନ୍ତି । ସଟ୍ଡାଉନ୍ ସମୟରେ ଏ ଅଂଚଳରେ ଥିବା ସମସ୍ତ ସରକାରୀ ବେସରକାରୀ ଅନୁଷ୍ଠାନ, ଦୋକାନ ବଜାର ଓ ସମସ୍ତ ବ୍ୟବସାୟିକ ପ୍ରତିଷ୍ଠାନ ସମ୍ପୁର୍ଣ୍ଣ ବନ୍ଦ ରହିବ । କେବଳ ଅତ୍ୟାବଶ୍ୟକ ଜରୁରୀ ସେବା ଔଷଧ ଦୋକାନ, ଶିଶୁ ଖାଦ୍ୟ ସଂଗ୍ରହକୁ ସଟ୍ଡାଉନରୁ ବାଦ ଦିଆଯାଇଛି । ଉକ୍ତ ସମୟ ମଧ୍ୟରେ କେହି ଘରୁ ନ ବାହାରିବାକୁ ଓ ଅଧିକ ଲୋକ ଏକାଠି ନ ହେବାକୁ ସରପଞ୍ଚ ଶ୍ରୀମତୀ ସେଠୀ ଜନସାଧାରଣଙ୍କୁ ଅନୁରୋଧ କରିଛନ୍ତି ।
