ବୌଦ୍ଧ,୨୯/୮ -ବୌଦ୍ଧ ଜିଲ୍ଲାରେ ଆଜି ସୁଦ୍ଧା ୬୦୦ ଜଣ କରୋନା ପଜିଟିଭ ଚିହ୍ନଟ ହୋଇଥିବା ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ବିରଞ୍ଚି ଧରୁଆ ଗଣମାଧ୍ୟମ ପ୍ରତିନିଧି ମାନଙ୍କୁ ସୂଚନା ଦେଇଛନ୍ତି । ଆଜି ସୁଦ୍ଧା ବୌଦ୍ଧଜିଲ୍ଲାରେ ୧୫୩୬୫ ଜଣଙ୍କ ନମୁନା ସଂଗ୍ରହ କରାଯାଇଥିବାବେଳେ ୧୪୬୬୦ ଗୋଟି ନମୁନାର ରିପୋର୍ଟ ଆସିଛି ଓ ୭୦୫ ଜଣଙ୍କ ରିପୋର୍ଟ ଆସିବା ପାଇଁ ବାକି ରହିଛି । ଆସିଥିବା ରିପୋର୍ଟ ମଧ୍ୟରୁ ୧୪୦୬୦ ଗୋଟି ନମୁନାର ରିପୋର୍ଟ ନେଗେଟିଭ ଆସିଛି ଓ ୬୦୦ ଜଣଙ୍କ ରିପୋର୍ଟ ପଜିଟିଭ ବାହାରିଥିବା ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଜିଲ୍ଲାରେ ମୋଟ ୫୦୫ ଜଣ ପଜିଟିଭ ସୁସ୍ଥ ହୋଇ ସାରିଛନ୍ତି ଓ ୯୫ ଜଣ ଚିକିତ୍ସାଧୀନ ଅବସ୍ଥାରେ ରହିଛନ୍ତି ବୋଲି ଶ୍ରୀ ଧରୁଆ ସୂଚନା ଦେଇଛନ୍ତି ।
