ବୌଦ୍ଧ / ଜନ୍ହାପଙ୍କ – ଆଜି ସକାଳ ପ୍ରାୟ 5 ଘଣ୍ଟା ସମୟରେ ଜାତୀୟ ରାଜପଥ ନମ୍ବର୍ 57 ର ତେଲିବନ୍ଧ ନିକଟସ୍ଥ ପଲସାବୁରୀ ନିକଟରେ ଭାରସାମ୍ୟ ହରାଇ ଗୋଟିଏ ଟାଟା Ace ଗାଡି ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଆଜି ସକାଳେ କଟକରୁ ବରଗଡ ଜିଲ୍ଲାର ବିଜେପୁର କୁ ଯାଉଥିବା ଗୋଟିଏ ଟାଟା Ace ଓଡି 05 ଏଟି 4825 ଗାଡି ଜାତୀୟ ରାଜପଥ ନମ୍ବର୍ 57 ର ତେଲିବନ୍ଧ ପଲସାବୁରୀ ନିକଟରେ ଭାରସାମ୍ୟ ହରାଇ ରାସ୍ତା କଡ଼ର ଗୋଟିଏ ଗଛକୁ ଜୋରରେ ଧକ୍କା ଦେଇଥିଲା l ଧକ୍କାରେ ଗଛଟି ଛିଣ୍ଡି ପଡ଼ିବା ପରେ ରାସ୍ତା ତଳର ବିଲ ମଧ୍ୟକୁ ଗାଡିଟି ଖସି ପଡିଥିଲା l ସୌଭାଗ୍ୟକୁ ଡ୍ରାଇଭର ଓ ଗାଡିରେ ବସିଥିବା ଅନ୍ୟ ଜଣେ ବ୍ୟକ୍ତି ସାମାନ୍ୟ ଆହତ ହୋଇ ଅଳ୍ପକେ ରକ୍ଷାପାଇ ଯାଇଛନ୍ତି l ଭୋର ସମୟରେ ଡ୍ରାଇଭରଙ୍କ ଆଖିରେ ନିଦ ଆସିବାରୁ ଦୁର୍ଘଟଣା ଘଟିଥିବା ପ୍ରକାଶ l
