ପାରଳାଖେମୁଣ୍ଡି : ଗଜପତି ଜିଲ୍ଲା ଗୋଶାଣୀ ବ୍ଳକର କାର୍ଯ୍ୟରତ ଥିବା ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଅଭିମନ୍ୟୁ ସାହୁଙ୍କ ଗତକାଲି ସକାଳ ୧୧ ଟା ସମୟରେ ଦେହାନ୍ତ ହୋଇ ଯାଇଛି । ଗତ୨୬ ତାରିଖରେ କୋଭିଡ ପଜିଟିଭ ଆସିଥିବାରୁ ତାଙ୍କୁ ଆର ସୀତାପୁର ସ୍ଥିତ କୋଭିଡ ହସ୍ପିଟାଲରେ ପ୍ରଥମେ ଚିକିତ୍ସିତ କରାଯାଉଥିଲେ । ତା ପରେ ବ୍ରହ୍ମପୁର ଏମ୍କେସିଜି ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା । ସେଠାରେ ସେ ଦୀର୍ଘ ୧୦ ଦିନ ହେଲା ଚିକିତ୍ସିତ ହେଉଥିଲେ । ସମସ୍ତ ପ୍ରକାର ଚିକିତ୍ସା ଓ ଚେଷ୍ଟା ସତ୍ତ୍ୱେ ତାଙ୍କର ୧୧ଟା ସମୟରେ ଦେହାନ୍ତ ହୋଇଯାଇଛି ।ସେ ଆଗ ଧାଡିର ଜଣେ କୋଭିଡ ଯୋଦ୍ଧା ଥିଲେ ।ସେ ଅସ୍ଥାୟୀ ସ୍ୱାସ୍ଥ୍ୟ କେନ୍ଦ୍ରର ଦାୟିତ୍ୱ ତୁଲାଉ ଥିଲେ ।ବ୍ରହ୍ମପୁର ଠାରେ ଗାର୍ଡ ଅଫ ଅନର୍ ଦିଆଯାଇ କୋଭିଡ ଯୋଦ୍ଧା ଅଭିମନ୍ୟୁ ସାହୁଙ୍କ ଅନ୍ତିମ ସଂସ୍କାର କରାଯାଇ ଥିଲା । ତାଙ୍କର ଅନ୍ତିମ ସଂସ୍କାର ବେଳେ ବ୍ରହ୍ମପୁର ଉପ ଜିଲ୍ଲାପାଳ,ଗଜପତି ଉପ ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା, ଗଜପତି ଜିଲ୍ଲା ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦ୍ଦେଶକ ମହେଶ କୁମାର ଚୌଧୁରୀ ପ୍ରମୁଖ ଉପସ୍ଥିତ ଥିଲେ ବୋଲି ଗଜପତି ଜିଲ୍ଲା ପାଳ ଅନୁପମ ସାହା ଏକ ଭିଡ଼ିଓ ମାଧ୍ୟମରେ ଗଣମାଧ୍ୟମକୁ ସୂଚନା ଦେଇଛନ୍ତି ।
