ବୌଦ୍ଧ,୧୨/୯ – କଣ୍ଟାମାଳ ବ୍ଲକ୍ ଶୁଣ୍ଢିପଦର ଗ୍ରାମ ପଞ୍ଚାୟତର ବଉଳପୁର୍ ଗ୍ରାମରେ ଡ୍ରେନ ନଥିବାରୁ ନଳକୂପର ଉଦବୃତ୍ତ ଜଳ ଗ୍ରାମ ଦାଣ୍ଡରେ ନର୍ଦ୍ଦମା ସୃଷ୍ଟି କରୁଥିବା ଗ୍ରାମବାସୀ ଅଭିଯୋଗ କରିଛନ୍ତି । ନଳକୂପର ପାଣି ଗ୍ରାମ ଦାଣ୍ଡରେ ବହୁଥିବାରୁ ପରିବେଶ ସନ୍ତସନ୍ତିଆ ହେବା ସହ ଯିବାଆସିବା କରିବା କଷ୍ଟକର ହୋଇପଡିଛି । କଙ୍କ୍ରିଟ ରାସ୍ତା ଉପରେ ପାଣି ଅନବରତ ଯାଉଥିବାରୁ ଓ ଜମି ରହୁଥିବାରୁ ଶିଉଳି ଉଠିବା ସଙ୍ଗେସଙ୍ଗେ ରାସ୍ତା ମଧ୍ୟ ନଷ୍ଟ ହେଉଥିବା ଅଭିଯୋଗ ହୁଏ । ଏ ସମସ୍ୟାର ସମାଧାନ ପାଇଁ ସ୍ଥାନୀୟ ସରପଞ୍ଚ ଓ କଣ୍ଟାମାଳ ବିଡିଓଙ୍କ ନିକଟରେ ବାରମ୍ବାର ଅଭିଯୋଗ କଲେ ମଧ୍ୟ କେହି ଦୃଷ୍ଟି ଦେଉନଥିବା ଗ୍ରାମବାସୀ ପ୍ରକାଶ କରନ୍ତି । ଗ୍ରାମରେ ତୁରନ୍ତ ଡ୍ରେନ ନିର୍ମାଣ କରାଯିବାକୁ ଜନସାଧାରଣରେ ଦାବୀ ହେଉଛି ।
