ବୌଦ୍ଧ / ବାଉଁଶୁଣି : ଆଜି ଦିନ ପ୍ରାୟ ଘ୧୨. ୩୦ ମିନିଟ ସମୟରେ ଜାତୀୟ ରାଜପଥ ନମ୍ବର୍ ୫୭ ର ସିଙ୍ଗାରୀ ଛକ ନିକଟରେ ଗୋଟିଏ ଓମିନି କାର୍ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି : ମିଳିଥିବା ସୂଚନା ଅନୁଯାୟୀ କଣ୍ଟାମାଳ ବ୍ଲକ୍ ବିଲାସପୁର ଗ୍ରାମ ପଂଚାୟତ ପଦରପଡା ଅଂଚଳରୁ ୭ ଜଣ ଛାତ୍ରୀ ଗୋଟିଏ ଓମିନି କାର୍ ଭଡା କରି ବୌଦ୍ଧରେ ହୋଇଥିବା ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଦେବାକୁ ଆସିଥିଲେ । ପରୀକ୍ଷା ସାରି ବିଲାସପୁର ଅଭିମୁଖେ ଫେରୁଥିବା ବେଳେ ଜାତୀୟ ରାଜପଥ ନମ୍ବର୍ ୫୭ ର ସିଙ୍ଗାରୀ ଛକ ପୁର୍ବରୁ ଭାରସାମ୍ୟ ହରାଇ ଓମିନି ଗାଡି ଓଡି ୧୫ ଇ ୪୦୧୭ ରାସ୍ତା ତଳକୁ ଖସି ପଡି ଓଲଟି ପଡିଥିଲା । ଗାଡିରେ ଥିବା ସମସ୍ତ ଛାତ୍ରୀ ସାମାନ୍ୟ ଆହତ ହୋଇ ଅଳ୍ପକେ ରକ୍ଷାପାଇ ଯାଇଥିବା ଜଣାପଡିଛି । ଦୁର୍ଘଟଣା ପରେ ସ୍ଥାନୀୟ ଲୋକେ ବାଉଁଶୁଣି ଥାନାକୁ ଖବର୍ ଦେବା ସହ ୧୦୮ ଆମ୍ବୁଲାନସକୁ ସୂଚନା ଦେଇଥିଲେ ।
