ବୌଦ୍ଧ,୧୬/୯ – ଜାତୀୟ ରାଜପଥ ନମ୍ବର୍ 57 ର ତେଲିବନ୍ଧ ଗ୍ରାମ ପଂଚାୟତ ପୋଡାବଲସ୍ ଗ୍ରାମ ନିକଟରେ ଗତକାଲି ସନ୍ଧ୍ୟାରେ ଅଜଣା ଗାଡ଼ି ଧକ୍କାରେ ବାଇକରେ ଯାଉଥିବା ଦୁଇ ଜଣ ପେକ୍ସ ସମ୍ପାଦକ ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଗତକାଲି ବୌଦ୍ଧ ସହକାରୀ ନିବନ୍ଧକ ସମବାୟ ସମିତି ସମୁହଙ୍କ କାର୍ଯ୍ୟାଳୟରେ ଅନୁଷ୍ଠିତ ବୈଠକରେ ଯୋଗଦେଇ ବାଇକ ଯୋଗେ ଗୁନ୍ଦୁଲିଆ ସେବା ସମବାୟ ସମିତିର ସମ୍ପାଦକ ସୌଭାଗ୍ୟ ପତି ଓ ଆମ୍ବଝରୀ ସମ୍ପାଦକ ଅଶୋକ ବସ୍ତିଆ ବlଉଁଶୁଣି ଅଭିମୁଖେ ଯାଉଥିଲେ l ଜାତୀୟ ରାଜପଥ ନମ୍ବର୍ 57 ର ପୋଡାବଲସ ନିକଟରେ ସମାନ ଦିଗରୁ ଆସୁଥିବା ଗୋଟିଏ ଅଜଣା ଗାଡ଼ି ବାଇକ ପଛରେ ଧକ୍କା ଦେବାରୁ ଉଭୟେ ରାସ୍ତାରେ ଛିଟିକି ପଡିଥିଲେ l ଉଭୟଙ୍କୁ ସ୍ଥାନୀୟ ଲୋକେ ଉଦ୍ଧାର କରି ବୌଦ୍ଧ ଡାକ୍ତରଖାନା ପଠାଇଥିଲେ l ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ନ ଥିବାରୁ ଉଭୟଙ୍କୁ ଡାକ୍ତରଖାନାରୁ ଛାଡି ଦିଆଯାଇଥିବା ସୂଚନା ମିଳିଛି l
