ଫୁଲବାଣୀ,୧୮/୯:କରୋନା ମହାମାରୀ କବଳରେ ସମଗ୍ର ଦେଶ କବଳିତ।ଏପରି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ ପଡୁଥିବା ଯୋଗୁଁ ଭାଜପା ପକ୍ଷରୁ କୌଣସି ଉଚ୍ଚବ ମୁଖର କାର୍ଯ୍ୟକ୍ରମ ପାଳନ ନକରି ଚଳିତ ସପ୍ତାହ କୁ ସେବା ସପ୍ତାହ ରୁପେ ପାଳନ କରୁଥିବା ଉପଲକ୍ଷେ ଭାରତୀୟ ଜନତା ଯୁବମୋର୍ଚ୍ଚା କନ୍ଧମାଳ ପକ୍ଷରୁ ସ୍ଥାନୀୟ ପୁଲବାଣୀ ରକ୍ତ ଭଣ୍ଡାର ଠାରେ ଜିଲ୍ଲା ଯୁବମୋର୍ଚ୍ଚା ସାଧାରଣ ସମ୍ପାଦକ ସୁଧାଂଶୁ ଗୁରୁଙ୍କ ନେତୃତ୍ବରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି।ଏହି କାର୍ଯ୍ୟକ୍ରମରେ ପୂର୍ବତନ ଜିଲ୍ଲା ସଭାପତି ଲିଗଂରାଜ ଦଳବେହେରା, ବରିଷ୍ଠ ଆଇନଜୀବୀ ଭଗବାନ ମହାନ୍ତି, କମଳାକାନ୍ତ ପାଣ୍ଡେ, ସୁଶାନ୍ତ ମହାନ୍ତି, ବିଶ୍ୱ ରଞ୍ଜନ ଦାସ,ଜଗନ୍ନାଥ ସାହୁ, ଅମିୟ ଦାସ୍,ପରେଶ ମହାପାତ୍ର, ନମିତା ବେହେରା ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । ମୋଟ ୨୧ୟୁନିଟ ରକ୍ତ ସଂଗ୍ରହ କରାଯାଇଥିଲା । ବର୍ତ୍ତମାନ ପରିସ୍ଥିତି ରେ ରକ୍ତ ଭଣ୍ଡାରରେ ରକ୍ତର ଆବଶ୍ୟକତା ଥିବାବେଳେ କନ୍ଧମାଳ ଭାଜପା ଜିଲ୍ଲା ଯୁବ ମୋର୍ଚ୍ଚା ଙ୍କ ପକ୍ଷରୁ ନିଆଯାଇଥିବା ରକ୍ତ ସଂଗ୍ରହ ପଦକ୍ଷେପ ସ୍ୱାଗତ ଯୋଗ୍ୟ ବୋଲି ଶୁଣିବାକୁ ମିଳିଛି।
