ବୌଦ୍ଧ / କଣ୍ଟାମାଳ,୨୧/୯ – ବୌଦ୍ଧ ବନଖଣ୍ଡ ଡି. ଏଫ. ଓ. ଯଶୋବନ୍ତ ସେଠୀଙ୍କ ନିର୍ଦ୍ଦେଶ କ୍ରମେ କଣ୍ଟାମାଳ ଓ ମନମୁଣ୍ଡା ବନାଞ୍ଚଳ କର୍ମଚାରୀମାନେ ମିଳିତ ଚଢାଉ କରି ଗତ କାଲି ଅପରାନ୍ହରେ କଣ୍ଟାମାଳ ରେଞ୍ଜ ଅନ୍ତର୍ଗତ ଗୁଞ୍ଜି ମୁଣ୍ଡା ଗ୍ରାମର ସର୍ବେ ଦଳବେହେରାଙ୍କ ଘରୁ ଚୌକାଠ ଓ ଶାଗୁଆନ ପଟl 51 ଫାଳ ଜବତ୍ କରିଥିବା ଜଣାପଡିଛି l ଏହା ସହିତ ସର୍ବେ ଦଳବେହେରାଙ୍କୁ ଗିରଫ ମଧ୍ୟ କରିଛି | ଆଜି ତାଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି l ମନମୁଣ୍ଡା ରେଞ୍ଜର୍ ନାରାୟଣ ସ୍ୱାଇଁଙ୍କ ନେତୃତ୍ବରେ ହୋଇଥିବା ଚଢାଉରେ ଘଣ୍ଟାପଡା ଫରେଷ୍ଟର ରଂଜନ ସେଠୀ, ନାରାୟଣ ପ୍ରସାଦ ଫରେଷ୍ଟର ରମାକାନ୍ତ କନ୍ହର, ମୋବାଇଲ ସ୍କ୍ଵାଡ ଓ ଅନ୍ୟ କର୍ମଚାରୀମାନେ ସାମିଲ୍ ହୋଇଥିଲେ l
