ବୌଦ୍ଧ,୨୪/୯ – ଆଜି ବୌଦ୍ଧ ଜିଲ୍ଲାରେ ପୁଣି ୬୭ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ବୌଦ୍ଧ ବ୍ଲକ୍ କାର୍ଯ୍ୟାଳୟରୁ ଆଜି ରେକର୍ଡ ସଂଖ୍ୟକ ୨୮ ଜଣ କର୍ମଚାରୀଙ୍କ କରୋନା ପଜିଟିଭ ଚିହ୍ନଟ ହୋଇଥିବା ଜଣାପଡିଛି । ସେଥିପାଇଁ ବୌଦ୍ଧବ୍ଲକ୍ କାର୍ଯ୍ୟାଳୟ କୁ ଆଜି ସିଲ୍ କରାଯାଇଥିବା ଦେଖିବାକୁ ମିଳିଛି । ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ବୌଦ୍ଧ ସହରାଞ୍ଚଳ ମଧ୍ୟରୁ ୪ ଜଣ, ବୌଦ୍ଧ ବ୍ଲକ୍ ଅଫିସରୁ ୨୮ ଜଣ, ଭାଲିଆପଦର ଗ୍ରାମରୁ ୧ ଜଣ, ଗୋଛାପଡା ଗ୍ରାମରୁ ୬ ଜଣ, କଣ୍ଟାମାଳ ବ୍ଲକ୍ ଦେଉଳି ଗ୍ରାମରୁ ୧ ଜଣ, ନୁର୍ପା ଗ୍ରାମରୁ ୨ ଜଣ, ଘଣ୍ଟାପଡା ଗ୍ରାମରୁ ୧ ଜଣ, ସେକାମାଲ୍ ଗ୍ରାମରୁ ୧ ଜଣ, ବାସୁଦେବପାଲି ଗ୍ରାମରୁ ୧ ଜଣ, କପାସିରା ଗ୍ରାମରୁ ୧ ଜଣ, ମନମୁଣ୍ଡା ଗ୍ରାମରୁ ୩ ଜଣ, ଆମ୍ବଗହଣା ଗ୍ରାମରୁ ୯ ଜଣ, ହରଭଙ୍ଗା ବ୍ଲକ୍ ଲୁଣିବାହାଲ୍ ଗ୍ରାମରୁ ୧ ଜଣ, ବାମଣ୍ଡା ଗ୍ରାମରୁ ୧ ଜଣ, କରଡି ଗ୍ରାମରୁ ୧ ଜଣ, ପୁରୁଣାକଟକ ଗ୍ରାମରୁ ୧ ଜଣ, ଡିମିରିଝୁଲି ଗ୍ରାମରୁ ୧ ଜଣ ବୋଲି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୁଚନା ଦେଇଛନ୍ତି । ସେହିପରି ବାହାରେ ପରୀକ୍ଷା କରାଇ ବୌଦ୍ଧ ଜିଲ୍ଲାର ୪ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଆଜିର ପଜିଟିଭକୁ ମିଶାଇ ଜିଲ୍ଲାରେ ମୋଟ୍ କରୋନା ପଜିଟିଭ ସଂଖ୍ୟା ୧୬୪୮ରେ ପହଞ୍ଚିଛି ।
