ବୌଦ୍ଧ ,୨୬/୯ – ମନମୁଣ୍ଡା ଥାନା ଅଞ୍ଚଳରେ ପୁର୍ବ ଶତ୍ରୁତାକୁ ନେଇ କେଶବ ନାଏକ (35)ନାମକ ଜଣେ ଯୁବକ ଗୋଟିଏ ପରିବାରର 3 ଜଣ ବ୍ୟକ୍ତିଙ୍କୁ ବାଇକ ଧକ୍କା କରି ଆହତ କରିଥିବା ଅଭିଯୋଗ ହୋଇଛି | ମନମୁଣ୍ଡା ଥାନାରେ ହୋଇଥିବା ଅଭିଯୋଗ ଅନୁଯାୟୀ ସାନ ରାହାଯୋର୍ ଗ୍ରାମର ଦିଲ୍ଲିପ ପ୍ରଧାନଙ୍କ ସ୍ତ୍ରୀ ଅର୍ଚ୍ଚନା ପ୍ରଧାନ (32 ବର୍ଷ )ଓ ଝିଅ ମାମୁନୀ ପ୍ରଧାନ (6 ବର୍ଷ) ଶୌଚ ପାଇଁ ଯାଉଥିବା ବେଳେ ସାନ ରାହାଯୋର୍ ଗାଆଁ ମୁଣ୍ଡରେ କେଶବ ନାଏକ ଦ୍ରୁତ ଗତିରେ ବାଇକ ଚଳାଇ ମା ଓ ଝିଅକୁ ଧକ୍କା କରାଇଥିଲେ l ସେମାନଙ୍କୁ ଉଦ୍ଧାର ପାଇଁ ଦିଲ୍ଲିପଙ୍କ ବାପା ଦୁଶାସନ ପ୍ରଧାନ ଯାଉଥିବା ବେଳେ ବାଇକ ବୁଲାଇ ତାଙ୍କ ଦେହରେ ମଧ୍ୟ ଧକ୍କା ଦେଇଥିଲେ | ଆହତ 3 ଜଣଙ୍କୁ ପରିବାର ଲୋକ ସୋନପୁର ଡାକ୍ତରଖାନାରେ ଭର୍ତ୍ତି କରିଥିଲେ | ଦୁଶାସନଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ଡାକ୍ତରଖାନାକୁ ନିଆଯାଇଛି l ଏ ସମ୍ପର୍କରେ ମନମୁଣ୍ଡା ଥାନାରେ ଲିଖିତ ଅଭିଯୋଗ ହେବା ପରେ 147/20 ରେ ମାମଲା ରୁଜୁ କରି ମନମୁଣ୍ଡା ପୋଲିସ ଘଟଣାର ତଦନ୍ତ କରୁଥିବା ଜଣାପଡିଛି l ଅଭିଯୁକ୍ତ ଫେରାର ଥିବା ପୋଲିସ ସୂତ୍ରରୁ ପ୍ରକାଶ l
