ବୌଦ୍ଧ,୭/୧୦ – ବର୍ଷ ବର୍ଷ ଧରି ଚାଲିଛି ରାସ୍ତା କାମ l ପୁରୁଣା କଟକ – ଧଳପୁର ପୂର୍ତ୍ତ ବିଭାଗର ରାସ୍ତା କାମ ସରି ପାରୁନାହିଁ l 12 କିଲୋମିଟର୍ ରାସ୍ତାରେ ସାଧାରଣ ଲୋକଙ୍କ ଯାତାୟତ କରିବା କଷ୍ଟକର ହୋଇ ପଡୁଛି l ଏ ରାସ୍ତାରେ ଜିଲ୍ଲାର ବଡ଼ ବଡ଼ ଅଧିକାରୀ ଓ ଲୋକ ପ୍ରତିନିଧି ବିଭିନ୍ନ ସମୟରେ ଯାତାୟତ କରୁଥିଲେ ମଧ୍ୟ କାହାର ଦ୍ରୁଷ୍ଟି ପଡୁନଥିଲା l କଚ୍ଛପ ଗତିରେ କାମ ଚାଲିଥିଲେ ମଧ୍ୟ ପୂର୍ତ୍ତ ବିଭାଗ କାମ ଶିଘ୍ର ସମ୍ପୁର୍ଣ୍ଣ କରିବା ପାଇଁ ତାଗିଦ ମଧ୍ୟ କରୁନଥିବା ଅଭିଯୋଗ ହୁଏ |
ଲୋକଙ୍କ ଠାରୁ ବାରମ୍ବାର ଅଭିଯୋଗ ପାଇବା ପରେ ବର୍ତ୍ତମାନ ଏ ରାସ୍ତା ଉପରେ ପୂର୍ତ୍ତ ବିଭାଗକୁ ତଥ୍ୟ ମାଗିଛନ୍ତି ହରଭଙ୍ଗା ବ୍ଲକ୍ ଚେୟାରମେନ ବିଶ୍ୱଜିତ ମିଶ୍ର l ଚିଠି କରି କାର୍ଯ୍ୟର ଅଟକଳ, ଆରମ୍ଭ ତାରିଖ, କେତେ ଟଂକା ବିଲ୍ ହୋଇଛି, ସମ୍ପୁର୍ଣ୍ଣ ପାଇଁ ଧାର୍ଯ୍ୟ ସମୟ ଓ ତତସମ୍ପର୍କିତ ସବିଶେଷ ତଥ୍ୟ ପୂର୍ତ୍ତ ବିଭାଗ ନିର୍ବାହି ଯନ୍ତ୍ରୀଙ୍କୁ ମାଗିଥିବା ଜଣାଯାଏ l ଏ ରାସ୍ତାର ସମସ୍ୟା ସମ୍ପର୍କରେ କାହାର ଆଖିକୁ ଦିଶୁ ନଥିବା ବେଳେ ବ୍ଲକ୍ ଚେୟାରମେନ ସେ ସମ୍ପର୍କରେ ପୂର୍ତ୍ତ ବିଭାଗକୁ ତଥ୍ଯ ମାଗିଥିବାରୁ କାମ ଶିଘ୍ର ସମ୍ପୁର୍ଣ୍ଣ ହେବା ନେଇ ଜନସାଧାରଣରେ ଆଶା ସଞ୍ଚାର ହୋଇଛି | ପୂର୍ବରୁ ମଧ୍ୟ ବିଭିନ୍ନ ଅବହେଳା ଓ ଦୁର୍ନୀତି ପ୍ରସଙ୍ଗରେ ଚେୟାରମେନ ଶ୍ରୀ ମିଶ୍ର ଖୋଲା ଖୋଲି ପ୍ରତିବାଦ କରୁଥିବା ବେଳେ ରାସ୍ତା ସମ୍ପର୍କରେ ପୂର୍ତ୍ତ ବିଭାଗକୁ ପ୍ରଶ୍ନ କରିଥିବାରୁ ଜନସାଧାରଣରେ ତାଙ୍କ ଉଦ୍ୟମକୁ ପ୍ରଶଂସା କରାଯାଇଛି |
