ପାରଳାଖେମୁଣ୍ଡି,୮/୧୦- ସ୍ଥାନୀୟ କେନ୍ଦ୍ରୀୟ ବିଦ୍ୟାଳୟର ନବମ ଶ୍ରେଣୀ ଛାତ୍ରୀ ଆଦ୍ୟାଶା ପଣ୍ଡା ଜାତୀୟସ୍ତରୀୟ ପ୍ରବନ୍ଧ ପ୍ରତିଯୋଗିତାରେ ଶ୍ରେଷ୍ଠ ସ୍ଥାନ ଲାଭ କରିଛନ୍ତି । ଭାରତୀୟ ଉପଗ୍ରହ ଗବେଷଣା କେନ୍ଦ୍ର ଆନୁକୁଲ୍ୟରେ ହୋଇଥିବା “ବିଜ୍ଞାନ ଓ ଉପଗ୍ରହ” ବିଷୟ ଆଧାରିତ ପ୍ରବନ୍ଧ ପ୍ରତିଯୋଗିତାରେ ସର୍ବଭାରତୀୟ ସ୍ତରରେ ୫୦୦ ପ୍ରତିଯୋଗୀଙ୍କ ମଧ୍ୟରୁ ଏକାଦଶତମ ସ୍ଥାନ ରଖିଛନ୍ତି । ତାଙ୍କରି କୃତିତ୍ୱ ପାଇଁ ଗଜପତି ଜିଲ୍ଳାପାଳ ଅନୁପମ ସାହା ଏବଂ କେନ୍ଦ୍ରୀୟ ବିଦ୍ୟାଳୟର ସମସ୍ତ ଶିକ୍ଷକ/ଶିକ୍ଷୟତ୍ରୀ ସାଧୁବାଦ୍ ଜଣାଇଛନ୍ତି । ଆଦ୍ୟାଶାଙ୍କ ଏହି କୃତିତ୍ୱପାଇଁ ତାଙ୍କ ମା ଓ ମାମୁଁ ରବିନ୍ଦ୍ର ପଣ୍ଡା(ଶିକ୍ଷକ)ଙ୍କ ଅବଦାନ ରହିଛି ।
