ବୌଦ୍ଧ,୯/୧୦ – ବୌଦ୍ଧବ୍ଲକ ବଘିଆପଡା ଓ ଟିକରପଡା ଗ୍ରାମ ପଂଚାୟତ ଅଂଚଳରେ ୧୦ /୧୨ ଗୋଟି ହାତୀ ଉପଦ୍ରବ କରୁଥିବା ଦେଖିବାକୁ ମିଳୁଛି । ହାତୀମାନେ ଦଳବଦ୍ଧ ହୋଇ ଟିକରପଡା ଗ୍ରାମ ପଂଚାୟତର କଡାମୁଣ୍ଡା ଗ୍ରାମ ନିକଟ ଜଙ୍ଗଲରେ କିଛିଦିନ ହେଲା ରହୁଛନ୍ତି । ସେମାନେ କଡାମୁଣ୍ଡା ଓ ଆଖ ପାଖ ଅଂଚଳରେ ବୁଲାବୁଲି କରୁଥିବା ହେତୁ ଅନେକ ଧାନ ଫସଲ ନଷ୍ଟ ହେଉଥିବା ଅଭିଯୋଗ ହୁଏ । ଧାନ ବିଲ ଦେଇ ସେମାନେ ବିଚରଣ କରୁଥିବା ହେତୁ ଅନେକ ଧାନ ଗଛ ଦଳି ଦେଉଥିବା ଦେଖିବାକୁ ମିଳିଛି । ଆଉ କିଛିଦିନ ପରେ ଧାନ ଫସଲ ପାକଳ ହେଲେ ସେସବୁ ଖାଇବା ପାଇଁ ହାତୀମାନେ ଏ ଅଂଚଳରେ ଆସ୍ଥାନ ଜମାଇଥିବା ଚାଷୀମାନେ ଆଶଙ୍କା କରୁଛନ୍ତି । ବନ ବିଭାଗ ଜନବସତି ଓ ଚାଷଜମି ଅଂଚଳରୁ ହାତୀମାନଙ୍କୁ ନିରାପଦ ଦୂରତାକୁ ଘଉଡାଇବା ପାଇଁ ଜନସାଧାରଣରେ ଦାବୀ ହେଉଛି ।
