ବୌଦ୍ଧ,୧୦/୧୦ – ଆଜି ବୌଦ୍ଧ ଜିଲ୍ଲାରେ ପୁଣି 20 ଜଣ କରୋନା ପଜିଟିଭ ଚିନ୍ହଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି l ବୌଦ୍ଧ ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନଙ୍କ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଆଜି ଚିନ୍ହଟ ହୋଇଥିବା 20 ଜଣ ମଧ୍ୟରୁ ବୌଦ୍ଧ ଜିଲ୍ଲାର 15 ଜଣ ଓ ପଡୋଶୀ ସୋନପୁର ଜିଲାର 5 ଜଣ l ସୋନପୁର ସହରର କିଛି ବ୍ୟକ୍ତି ମନମୁଣ୍ଡା ଡାକ୍ତରଖାନାକୁ ଆସି କୋଭିଡ୍ ପରୀକ୍ଷା କରାଇଥିଲେ ଓ ସେମାନଙ୍କ ମଧ୍ୟରୁ 5 ଜଣ ପଜିଟିଭ ଚିନ୍ହଟ ହୋଇଛନ୍ତି |
ବୌଦ୍ଧ ଜିଲ୍ଲାରେ ଚିନ୍ହଟ ହୋଇଥିବା ବ୍ୟକ୍ତିଙ୍କ ମଧ୍ୟରେ ହରଭଙ୍ଗା ବ୍ଲକ୍ ପଲାଶକୁଟୁଣୀ ଗ୍ରାମରୁ 1 ଜଣ, ଗୁଦୁରା ବେଣି ଗ୍ରାମରୁ 1 ଜଣ, ହରଭଙ୍ଗା ଗ୍ରାମରୁ 1 ଜଣ, ଚାରିଛକ ଗ୍ରାମରୁ 1 ଜଣ, ବୌଦ୍ଧ ବ୍ଲକ୍ ବlଉଁଶୁଣି ଗ୍ରାମରୁ 1 ଜଣ, ଟିକରପଡ଼ା ଗ୍ରାମରୁ 1 ଜଣ, କଣ୍ଟାମାଳ ବ୍ଲକ୍ ସହରୀ ପାଲି ଗ୍ରାମରୁ 1 ଜଣ, ଦେଉଳି ଗ୍ରାମରୁ 1 ଜଣ, ପଲସାଗୋରା ଗ୍ରାମରୁ 4 ଜଣ, ବିଛଣାପାଟି ଗ୍ରାମରୁ 1 ଜଣ ଓ ଦପଲା ଗ୍ରାମରୁ 2 ଜଣ ବୋଲି ଜଣାପଡିଛି l ଆଜିର ଘୋଷିତ 20 କରୋନା ପଜିଟିଭ ସଂଖ୍ୟା ମିଶାଇଲେ ଜିଲ୍ଲାରେ ମୋଟ୍ 2134 ଜଣ କରୋନା ପଜିଟିଭ ଚିନ୍ହଟ ହୋଇଛନ୍ତି |
