ବୌଦ୍ଧ /ବାଉଁଶୁଣି / ଜନ୍ହାପଙ୍କ – ଆଜି ଅପରାନ୍ହ ପ୍ରାୟ 3 ଘଣ୍ଟା ସମୟରେ ଜାତୀୟ ରାଜପଥ ନମ୍ବର୍ 57 ର ତେଲିବନ୍ଧ ମାଛମରା ପୋଲ ନିକଟରେ ରାସ୍ତା କଡରେ ଅଟକିଥିବା ଗୋଟିଏ କାର୍ କୁ ପଛରୁ ଆସୁଥିବା ଅନ୍ୟ ଗୋଟିଏ କାର୍ ଧକ୍କା ଦେବାରୁ ଦୁର୍ଘଟଣା ଘଟିଥିବା ଜଣାପଡିଛି l
ମିଳିଥିବା ସୂଚନା ଅନୁଯାୟୀ ସୋନପୁର ଠାରୁ ଭୁବନେଶ୍ବର ଅଭିମୁଖେ ଯାଉଥିବା ଗୋଟିଏ ERTIGA SMART କାର୍ ଓଡି 33 ଏବି 2021 ରାସ୍ତା କଡରେ ଅଟକିଥିବା ବେଳେ ସମାନ ଦିଗରୁ ଆସୁଥିବା ଅନ୍ୟ ଗୋଟିଏ ମାରୁତି ଡେଲଟା ଓଡ଼ି 05 ଏଏମ 2232 ପଛ ପାଖରୁ ଧକ୍କା ଦେଇ ରାସ୍ତା ତଳକୁ ଖସି ପଡିଥିଲା l ଉକ୍ତ ଦୁର୍ଘଟଣାରେ ମାରୁତି ଡେଲଟା ରେ ଥିବା ଜଣେ ଯାତ୍ରୀ ଆହତ ହୋଇଥିବା ଜଣାପଡିଛି l 108 ଆମ୍ବୁଲାନସ୍ ଯୋଗେ ତାଙ୍କୁ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିଲା |
