ବୌଦ୍ଧ,୧୦/୧୦- ଆଜି ରାତି 8 ଘଣ୍ଟା ସମୟରେ ବୌଦ୍ଧ ମହାନଦୀ ବ୍ରିଜ ଉପରେ ଖରାପ ହୋଇ ରହିଥିବା ଗୋଟିଏ ଟ୍ରକ୍ ସହ ଦୁଇଟି ପୃଥକ୍ ଦୁର୍ଘଟଣା ଘଟି 3 ଜଣ ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଆଜି ଗୋଟିଏ ଟ୍ରକ୍ ଖରାପ ହୋଇ ବୌଦ୍ଧ କିଆକଟା ମହାନଦୀ ବ୍ରିଜ ଉପରେ ଅଟକି ରହିଛି | ଆଜି ସନ୍ଧ୍ୟା ପ୍ରାୟ 8 ଘଣ୍ଟା ସମୟରେ ବଲାଙ୍ଗୀରରୁ ଭୁବନେଶ୍ବର ଯାଉଥିବା ଗୋଟିଏ କାର୍ ପୋଲ ଉପରେ ଥିବା ଟ୍ରକ ସହ ଧକ୍କା ହେବାରୁ ପଶ୍ଚିମ ବଙ୍ଗ ରାଜ୍ୟର ଚଞ୍ଚଳ ରାୟ (46) ନାମକ ଜଣେ ବ୍ୟକ୍ତି ଗୁରୁତର ଆହତ ହୋଇଥିବା ଜଣାପଡିଛି l ତାଙ୍କୁ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଛି | ଉକ୍ତ ଦୁର୍ଘଟଣାର ଠିକ୍ 10 ମିନିଟ୍ ଭିତରେ ଅନୁଗୁଳରୁ ବୌଦ୍ଧ ଆସୁଥିବା ଗୋଟିଏ ବାଇକ ପୁଣି ସେହି ଟ୍ରକକୁ ଧକ୍କା ଦେଇଥିଲା l ଫଳରେ ବାଇକ ରେ ଥିବା ଦୁଇ ଜଣ ଆରୋହୀ ମଧ୍ୟ ଗୁରୁତର ଆହତ ହୋଇ ବୌଦ୍ଧ ଡାକ୍ତରଖାନାରେ ଭର୍ତ୍ତି ହୋଇଥିଲେ l ଉଭୟ ବାଇକ ଆରୋହୀ ହେଲେ ହରଭଙ୍ଗା ବ୍ଲକ୍ କରଞ୍ଜକଟା ଗ୍ରାମ ପଂଚାୟତର ଉପରକଟା ଗ୍ରାମର ମହେଶ ସାହୁ (32) ଓ ସାମ୍ପୋଚ ଗ୍ରାମର ସନାତନ ବେହେରା (33) ବୋଲି ଜଣାପଡିଛି l
