ଭୁବନେଶ୍ୱର : ପର୍ଯ୍ୟଟନ ତଥା ଧାର୍ମିକ ସହର ଶ୍ରୀକ୍ଷେତ୍ର ପୁରୀ ବେଳାଭୂମିକୁ ବ୍ଲୁ ଫ୍ଲାଗ୍ ବିଚ୍ର ମାନ୍ୟତା ମିଳିଛି । ଏକ ଆନ୍ତର୍ଜାତୀୟ ସଂସ୍ଥା ପୁରୀ ବେଳାଭୂମିକୁ ଏହି ମାନ୍ୟତା ଦେଇଛି । ଡେନମାର୍କର ଏହି ସଂସ୍ଥା ପକ୍ଷରୁ ପୁରୀ ବେଳାଭୂମିର ଦିଗବାରେଣୀ ଖୁଣ୍ଟିରୁ ମେ ଫେୟାର ହୋଟେଲ ବେଳାଭୂମି ପର୍ଯ୍ୟନ୍ତ ଏହି ମାନ୍ୟତା ଦିଆଯାଇଛି । ୮୬୦ ମିଟର ପରିବ୍ୟକ୍ତ ପୁରୀ ବେଳାଭୂମିକୁ ଏହି ମାନ୍ୟତା ଦେଶ ଓ ବିଦେଶର ପର୍ଯ୍ୟଟକଙ୍କୁ ଆକୃଷ୍ଟ କରିବ ବୋଲି କୁହାଯାଉଥିବା ବେଳେ ପର୍ଯ୍ୟଟନ ମାନଚିତ୍ରରେ ଏହା ଶ୍ରୀକ୍ଷେତ୍ର ପୁରୀର ଖ୍ୟାତି ବଢାଇବ ।
