ଭୁବନେଶ୍ୱର: ଆସନ୍ତାକାଲି ବିଜୁ ଜନତା ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆସନ୍ତାକାଲି ଜନ୍ମଦିନ । ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଆସନ୍ତାକାଲି କୋଭିଡ ସଂକ୍ରମଣ ଦୃଷ୍ଟିରୁ ଜନ୍ମଦିନ ନ ପାଳିବାକୁ ନିଷ୍ପତ୍ତି ନେଇଛନ୍ତି । ନବୀନ ତାଙ୍କ ବାର୍ତ୍ତାରେ କହିଛନ୍ତି ଯେ, କୋଭିଡ ସଂକ୍ରମଣ କାରଣରୁ ସେ ଜନ୍ମଦିନ ପାଳନ କରିବାକୁ ନିଷ୍ପତ୍ତି ନେଇଛନ୍ତି । ତେଣୁ ତାଙ୍କୁ ଭଲ ପାଉଥିବା ନେତା, ସାଧାରଣ ଲୋକ, ଅଧିକାରୀ ନବୀନ ନିବାସ ନ ଆସି ଗରୀବ ଜନସାଧାରଣଙ୍କୁ ସାହାଯ୍ୟ କରନ୍ତୁ । ଦଳୀୟ କର୍ମୀମାନେ ଗରୀବ ଜନସାଧାରଣଙ୍କୁ ସାହାଯ୍ୟ କଲେ ତାହା ତାଙ୍କ ପ୍ରତି ପ୍ରକୃତ ଭଲ ପାଇବା ହେବ । କେବଳ ସେତିକି ନୁହେଁ ଏହି ଅବସରରେ ଦଳୀୟ କର୍ମୀମାନେ ରକ୍ତଦାନ କରିବା, ପ୍ଲାଜମା ଦାନ କରିବା ଆଦି ମହାନ କାର୍ଯ୍ୟ କରନ୍ତୁ ବୋଲି ସେ କହିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି ଯେ, ଓଡିଶାବାସୀଙ୍କ ଭଲ ପାଇବା ଓ ଶୁଭେଚ୍ଛା ନିକଟରେ ସେ ସବୁବେଳେ ଋଣୀ । ଗତ ୮ ମାସ ହେଲା କରୋନା ଯୋଗୁଁ ଆମେ ସମସ୍ତେ କଠିନ ସମୟ ଦେଇ ଗତି କରୁଛେ, ତେଣୁ ଆସନ୍ତାକାଲି କେହି ନବୀନ ନିବାସ ନ ଆସି ତାଙ୍କ ଜନ୍ମଦିନକୁ ଗରୀବଙ୍କ ଉଦ୍ଦେଶ୍ୟରେ କୋଭିଡ ନିୟମ ମାନି ପାଳନ କରନ୍ତୁ ।
