ବାଲିଗୁଡ଼ା,୧୬/୧୦: କନ୍ଧମାଳ ଜିଲ୍ଲା କ.ନୂଆଗାଁ ବ୍ଲକ୍ ସିର୍ତ୍ତିଗୁଡ଼ାଠାରେ ଜିଲ୍ଲା ରଙ୍ଗ ତୂଳୀ କଳାକାର ସଙ୍ଘର ସାଧାରଣ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଜିଲ୍ଲା ସ୍ତରୀୟ କର୍ମକର୍ତ୍ତା ଚୟନ କରାଯାଇଛି । ପ୍ରମୋଦ ଦଣ୍ଡିଆ ସଭାପତି, ଗୋବିନ୍ଦ ଭୁକ୍ତା ସମ୍ପାଦକ,ମିଥୁନ୍ ପ୍ରଧାନୀ ଉପସଭାପତି, ଜଗତସିଂ ପାତ୍ର ସହ ସମ୍ପାଦକ,ସୁନୀଲ ବିନ୍ଧାଣୀ କୋଷାଧ୍ୟକ୍ଷ ଭାବେ ସମସ୍ତଙ୍କ ସହମତି କ୍ରମେ ମନୋନୀତ ହୋଇଛନ୍ତି । ଏଥିସହିତ ସଭ୍ୟ ଭାବେ ଅଶ୍ବିନୀ କୁମାର ବିଷୋୟୀ, ବିଷ୍ଣୁ ଚରଣ ବେହେରା,ସୁନୀଲ ନାୟକ, ଶ୍ରୀକାନ୍ତ ପ୍ରଧାନୀ ଓ ଲକ୍ଷ୍ମଣ ପ୍ରଧାନ ମନୋନୀତ ହୋଇଛନ୍ତି । ଜିଲ୍ଲାରେ ଦୁଇହଜାରରୁ ଉର୍ଦ୍ଧ୍ବ ରଙ୍ଗ ତୂଳୀ କଳାକାର ଅଛନ୍ତି । ଦିନକୁ ଦିନ ଏହି କଳାକାରମାନେ ଜୀବିକା ହରାଇବା ସହ ପରିବାର ପ୍ରତି ପୋଷଣରେ ନାହିଁ ନଥିବା ସମସ୍ୟାରେ ଉବୁଟୁବୁ ହେଉଛନ୍ତି । ଏଣୁ ଆଗାମୀ ଦିନରେ ଆମ ସଙ୍ଗଠନକୁ ସୁଦୃଢ଼ କରିବାସହ କିଭଳି ଜିଲ୍ଲାର ସମସ୍ତ ରଙ୍ଗ ତୂଳୀ କଳାକାର ସ୍ବାବଲମ୍ବୀ ହେବା ସହ ଭଲ ରୋଜଗାର କରିପାରିବେ ଏହା ହିଁ ଆମ ସଙ୍ଗଠନର ମୁଖ୍ୟ ଉଦ୍ଦେଶ୍ୟ ବୋଲି କହିଛନ୍ତି ସଭାପତି ପ୍ରମୋଦ ଦଣ୍ଡିଆ ।
