ବୌଦ୍ଧ,୨୨/୧୦ – ବୌଦ୍ଧ ଜିଲ୍ଲାରେ ଆସ୍ତେ ଆସ୍ତେ କାବୁ ହେଉଛି ମହାମାରୀ କରୋନା l ଗତକାଲି ମାତ୍ର 7 ଜଣ କରୋନା ପଜିଟିଭ ଚିନ୍ହଟ ହୋଇଥିବା ବେଳେ ଆଜି 12 ଜଣ ଆକ୍ରାନ୍ତ ଚିନ୍ହଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି l ଆଜି ଯେଉଁ 12 ଆକ୍ରାନ୍ତ ଚିନ୍ହଟ ହୋଇଛନ୍ତି ସେମାନଙ୍କ ମଧ୍ୟରୁ ବୌଦ୍ଧ ସହରାଞ୍ଚଳ ମଧ୍ୟରୁ 1 ଜଣ, ହରଭଙ୍ଗା ବ୍ଲକ୍ ଘୋରଡା ଗ୍ରାମରୁ 2 ଜଣ, ବୌଦ୍ଧ ବ୍ଲକ୍ ମାନେଶ୍ୱର ଗ୍ରାମରୁ 1 ଜଣ, ଟୁଟୁସିଙ୍ଗା ଗ୍ରାମରୁ 1 ଜଣ, ଇଚ୍ଛାପୁର ଗ୍ରାମରୁ 1 ଜଣ, କମ୍ପରା ଗ୍ରାମରୁ 1 ଜଣ, କଣ୍ଟାମାଳ ବ୍ଲକ୍ ଭାଲିଆ ପଦର ଗ୍ରାମରୁ 1 ଜଣ, କଣ୍ଟାମାଳ ଥାନା କର୍ମଚାରୀ 1 ଜଣ ବୋଲି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନଙ୍କ ସୂତ୍ରରୁ ସୂଚନା ମିଳିଛି l ସେହିପରି ଅନ୍ୟ ଜଣେ ବ୍ୟକ୍ତି ବାହାର ଜିଲ୍ଲାରେ ପରିକ୍ଷା କରାଇ କରୋନା ପଜିଟିଭ ଚିନ୍ହଟ ହୋଇଥିବା ଜଣାପଡିଛି l ଆଜିର ପଜିଟିଭକୁ ମିଶାଇ ଜିଲ୍ଲାରେ ମୋଟ୍ 2422 ଜଣ କରୋନା ପଜିଟିଭ ଆଜି ପର୍ଯ୍ୟନ୍ତ ଚିନ୍ହଟ ହୋଇଛନ୍ତି | ସେମାନଙ୍କ ମଧ୍ୟରୁ 9 ଜଣଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିବା ସରକାରୀ ଭାବେ ଘୋଷଣା କରାଯାଇଛି |
