ବୌଦ୍ଧ,୨୨/୧୦- ଆଜି ସନ୍ଧ୍ୟା ପ୍ରାୟ 6 ଘଣ୍ଟା ସମୟରେ ଜାତୀୟ ରାଜପଥ ନମ୍ବର୍ 57 ର ପୁରୁଣାକଟକ ଥାନା ଯୁବରାଜପୁର୍ ଛକ ନିକଟରେ ରାସ୍ତା କଡରେ ଠିଆ ହୋଇଥିବା ଗୋଟିଏ ଟ୍ରକର ପଛରେ ସ୍କୁଟି ଧକ୍କା ଦେବାରୁ ସ୍କୁଟି ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଜାତୀୟ ରାଜପଥ ନମ୍ବର୍ 57 ର ଯୁବରାଜ ପୁର୍ ଗ୍ରାମ ଛକ ନିକଟରେ ପୁରୁଣାକଟକ ଅଭିମୁଖେ ଯାଉଥିବା ଗୋଟିଏ ଟ୍ରକ୍ ରାସ୍ତାର ବାମ ପାର୍ଶ୍ବରେ ଛିଡା ହୋଇଥିଲା | ବଘିଆପଡା ନିକଟ ପାଲଝାର୍ ଠାରେ ଥିବା ନିଜ କାର୍ଯ୍ୟାଳୟରୁ କାମ ସାରି ନିଜ ସ୍କୁଟି ଯୋଗେ ନିଜ ଗ୍ରାମ ତିଲେଶ୍ୱର ଗ୍ରାମ ପଂଚାୟତର କୁଟୁନିଆପଡା ଗ୍ରାମକୁ ଫେରୁଥିବା ସୀମା ଝାଙ୍କର ନାମକ ମହିଳାଙ୍କ ସ୍କୁଟି ଓଡି 27 ବି 4023 ଟ୍ରକର ପଛ ପାଖରେ ଧକ୍କା ହୋଇଥିଲା | ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଗୋଟିଏ କାର୍ ଯୋଗେ ପୁରୁଣା କଟକ ଡାକ୍ତରଖାନାରେ ଭର୍ତ୍ତି କରିଥିଲେ |
