ହରଭଙ୍ଗା: କରୋନା ପାଇଁ ଚଳିତ ବର୍ଷ ପାର୍ବଣ ଫିକା ପଡିଯାଇଥିବା ବେଳେ ହରଭଙ୍ଗାର କୁଲିସାହିଠାରେ ଗଜଲକ୍ଷ୍ମୀ ପୂଜା ଅନୁଷ୍ଠିତ ହୋଇଯାଇଛି । କୁଲିସାହି କ୍ଲବ ପକ୍ଷରୁ ମହାନଦୀରୁ ପୂଜାଅର୍ଚ୍ଚନା କରି କଳସୀରେ ଜଳ ଆଣିଥିଲେ । ଗତକାଲି ସକାଳୁ ଗଜଲକ୍ଷ୍ମୀ ପୂଜା ଅନୁଷ୍ଠିତ ହୋଇଥିଲା । ଅନୁଷ୍ଠିତ ପୂଜାରେ ହରଭଙ୍ଗା ଗୌତିଆ ବାସୁଦେବ ଜନାୟକ, ପୂଜକ ହରି ପୁରୋହିତ ପୂଜାକାର୍ଯ୍ୟ ପରିଚାଳନା କରିଥିଲେ । କମିଟି ପକ୍ଷରୁ ପ୍ରଫୁଲ ସାହୁ, ବବୁଲୁ ଖଡିରତ୍ନ, ଲବ ଦନାୟକ, ଗୁନୁ ସାହୁ, ଭୀକାରୀ ନାକେ ପ୍ରମୁଖ ସଦସ୍ୟମାନେ ସହାୟତା କରିଥିଲେ । କୋଭିଡ ଆଇନ ଅଧାରରେ ପୂଜା କାର୍ଯ୍ୟ ଚାଲିଥିବା ଜଣାପଡିଛି । ସେହିପରି କୁମାର ପୂଜାପାଇଁ ଚଳଚଞ୍ଚଳ ହୋଇଛି । ପୂଜା ମଣ୍ଡପ ଗୁଡିକ ଖାଁ ଖାଁ । କେବଳ ପୂଜାର ରୀତିନୀତିକୁ ବଜାୟ ରଖିବା ପାଇଁ ମଣ୍ଡପଗୁଡିକରେ ମା’ଙ୍କର ପ୍ରତିମା ବିରାଜମାନ କରାଇ ହାତଗଣତି ସଦସ୍ୟଙ୍କୁ ନେଇ ପୂଜା ଅନୁଷ୍ଠିତ ହୋଇଥିଲା ।
