ଭୁବନେଶ୍ୱର: ଗତ ୨୪ ଘଣ୍ଟାର କରୋନା ରିପୋର୍ଟ ପ୍ରକାଶ ପାଇଛି । ରାଜ୍ୟରେ ପୁଣି ୧୪୯୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ସଂଗରୋଧ କେନ୍ଦ୍ରରୁ ୮୬୭ ଜଣ ଥିବା ବେଳେ ସ୍ଥାନୀୟ ସଂକ୍ରମିତ ଅଛନ୍ତି ୬୨୭ ଜଣ । ରାଜ୍ୟରେ ସମୁଦାୟ ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୯୮ ହଜାର ୭୬୮ରେ ପହଞ୍ଚିଥିବା ବେଳେ ସେଥିମଧ୍ୟରୁ ସୁସ୍ଥ ହୋଇ ସାରିଲେଣି ୨ ଲକ୍ଷ ୮୩ ହଜାର ୫୩୩ ଜଣ । ଏବେ ସକ୍ରିୟ ଅଛନ୍ତି ୧୩୭୮୯ ଜଣ ଆକ୍ରାନ୍ତ ।
ଆଜି ଅନୁଗୁଳ ଜିଲ୍ଲାରୁ ୮୩ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୧୦୨, ବରଗଡରୁ ୫୪, ଭଦ୍ରକରୁ ୧୯, ବଲାଙ୍ଗୀରରୁ ୭୯, ବୌଦ୍ଧରୁ ୧୬, କଟକରୁ ୧୧୨, ଦେବଗଡରୁ ୫, ଢେଙ୍କାନାଳରୁ ୨୮, ଗଜପତିରୁ ୬, ଗଞ୍ଜାମରୁ ୨୬, ଜଗତ୍ସିଂହପୁରରୁ ୬୦, ଯାଜପୁରରୁ ୩୭, ଝାରସୁଗୁଡାରୁ ୩୮, କଳାହାଣ୍ଡିରୁ ୩୫, କନ୍ଧମାଳରୁ ୧୨, କେନ୍ଦ୍ରାପଡାରୁ ୫୬, କେନ୍ଦୁଝରରୁ ୬୯, ଖୋର୍ଦ୍ଧାରୁ ୧୫୩, କୋରାପୁଟରୁ ୨୧, ମାଲକାନଗିରିରୁ ୧୮, ମୟୂରଭଞ୍ଜରୁ ୯୩, ନବରଙ୍ଗପୁରରୁ ୩୨, ନୟାଗଡରୁ ୩୪, ନୂଆପଡାରୁ ୫୫, ପୁରୀରୁ ୬୩, ରାୟଗଡାରୁ ୧୧, ସମ୍ବଲପୁର ୩୯, ସୋନପୁରରୁ ୧୨, ସୁନ୍ଦରଗଡରୁ ୯୬ ଓ ଷ୍ଟେଟ୍ ପୁଲ୍ରୁ ୩୦ ଜଣ ଚିହ୍ନଟ ହୋଇଛନ୍ତି । ଏପଟେ ରାଜ୍ୟରେ ପୁଣି କରୋନାରେ ୧୫ ଜଣଙ୍କର ମୃତ୍ୟୁ ଘଟିଛି ।
