ବୌଦ୍ଧ ,୭/୧୧- ଜିଲ୍ଲାରେ କରୋନା ଆକ୍ରାନ୍ତ ଚିନ୍ହଟ ସଂଖ୍ୟା ଦିନକୁ ଦିନ ହ୍ରାସ ପାଉଥିବାରୁ ଜନସାଧାରଣ ଓ ପ୍ରଶାସନ ଆଶ୍ୱସ୍ତି ଅନୁଭବ କରୁଥିବା ଦେଖିବାକୁ ମିଳିଛି l ଆଜି ମାତ୍ର 2 ଜଣ ବ୍ୟକ୍ତି ଜିଲ୍ଲାରେ କରୋନା ପଜିଟିଭ ଚିନ୍ହଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି l ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନଙ୍କ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଆଜି ଯେଉଁ ଦୁଇ ଜଣ କରୋନା ପଜିଟିଭ ଚିନ୍ହଟ ହୋଇଛନ୍ତି ସେମାନେ ହେଲେ ବଉଦ ବ୍ଲକ୍ କସୁରବନ୍ଧ ଗ୍ରାମ ପଂଚାୟତ ଡୁଙ୍ଗରିପାଲି ଗ୍ରାମରୁ ଜଣେ ଓ ହରଭଙ୍ଗା ବ୍ଲକ୍ କରଞ୍ଜକଟା ଗ୍ରାମରୁ 1 ଜଣ ବୋଲି ଜଣାପଡିଛି l ଆଜି ସୁଦ୍ଧା ବୌଦ୍ଧ ଜିଲ୍ଲାରୁ 35024 ଜଣଙ୍କ ନମୁନା ପରିକ୍ଷା କରାଯାଇଛି | ସେଥିମଧ୍ୟରୁ 2556 ଜଣ କରୋନା ପଜିଟିଭ ଚିନ୍ହଟ ହୋଇଛନ୍ତି | ସେହିପରି ଜିଲ୍ଲା ବାହାରେ ନମୁନା ଦେଇ ଜିଲ୍ଲାର 76 ଜଣ କରୋନା ପଜିଟିଭ ଚିନ୍ହଟ ହୋଇଥିବା ବେଳେ ଜିଲ୍ଲାରେ ମୋଟ୍ କରୋନା ପଜିଟିଭ ସଂଖ୍ୟା 2632 ରେ ପହଞ୍ଚିଛି l ଜିଲ୍ଲାରେ 9 ଜଣ ବ୍ୟକ୍ତି କରୋନାରେ ମୃତ୍ୟୁବରଣ କରିଥିବା ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ବିରଞ୍ଚି ଧରୁଆ ସୁଚନା ଦେଇଛନ୍ତି l
