ବୌଦ୍ଧ,୧୨/୧୧ – ଆଜି ବୌଦ୍ଧଜିଲ୍ଲା ହରଭଙ୍ଗା ବ୍ଲକ ଜାତୀୟ ରାଜପଥ ନମ୍ବର୍ ୫୭ ରାଧାନଗର ଛକ ନିକଟରେ ଅପରାହ୍ନ ପ୍ରାୟ ୧ ଘଣ୍ଟା ସମୟରେ ଏକ କୁଣ୍ଡା ବୋଝେଇ ଟ୍ରକ ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ଦିନ ପ୍ରାୟ ୧ ଘଣ୍ଟା ସମୟରେ ସମ୍ବଲପୁରରୁ କୁଣ୍ଡା ବୋଝେଇ ହୋଇ ଟ୍ରକ ନମ୍ବର ଓଆର୦୨ଟି୩୭୪୫ ନୟାଗଡ ଜିଲ୍ଲା ମାଛିପଡାକୁ ଯାଉଥିବାବେଳେ ରାଧାନଗର ଛକ ନିକଟରେ ଭାରସାମ୍ୟ ହରାଇ ଓଲଟି ପଡିଥିଲା । ଗାଡିରେ ଡ୍ରାଇଭର ଓ ହେଲ୍ପର ସମେତ ୨ ଜଣ ଶ୍ରମିକ ଥିଲେ । ଡ୍ରାଇଭର ସାମାନ୍ୟ ଆହତ ହୋଇଥିବା ଜଣାପଡିଛି ।
