ବୌଦ୍ଧ,୧୩/୧୧ – ନଭେମ୍ବର ମାସରେ ବୌଦ୍ଧ ଜିଲ୍ଲାରେ କରୋନାର ପ୍ରାଦୁର୍ଭାବ ଆଉ ଦେଖିବାକୁ ମିଳୁନାହିଁ । ଏକ ଅଙ୍କ ମଧ୍ୟରେ ସୀମିତ ରହୁଛି ଦୈନନ୍ଦିନ ଆକ୍ରାନ୍ତ ସଂଖ୍ୟା । ଆଜି ମଧ୍ୟ ବୌଦ୍ଧ ଜିଲ୍ଲାରେ ମାତ୍ର ୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନଙ୍କ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଆଜି ବୌଦ୍ଧ ସହରାଞ୍ଚଳ ମଧ୍ୟରୁ ୧ ଜଣ ଓ ହରଭଙ୍ଗା ବ୍ଲକ୍ ସଙ୍କୁଲେଇ ଗ୍ରାମ ପଂଚାୟତ ବିଶିପାଲି ଗ୍ରାମରୁ ୧ ଜଣ ନୂତନ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜିର ପଜିଟିଭକୁ ମିଶାଇ ଜିଲ୍ଲାରେ ମୋଟ୍ ୨୬୬୫ ଜଣ ଆକ୍ରାନ୍ତ ଚିହ୍ନଟ ହୋଇ ସାରିଛନ୍ତି । ଜିଲ୍ଲାରୁ ସଂଗୃହିତ ନମୁନା ମଧ୍ୟରୁ ୨୫୮୫ ଜଣ କରୋନା ପଜିଟିଭ ଚିହ୍ନଟ ହୋଇଥିବାବେଳେ ଜିଲ୍ଲା ବାହାରେ ପରୀକ୍ଷା କରାଇ ୮୦ ଜଣ ତ୍ତବର୍ତ୍ତମାନ ସୁଦ୍ଧା ପଜିଟିଭ ଚିହ୍ନଟ ହୋଇଛନ୍ତି । ଆଜିସୁଦ୍ଧା ୨୬୦୮ ଜଣ ସୁସ୍ଥ ହୋଇଥିବାବେଳେ ୩୫ଜଣ ରିପୋର୍ଟ ଅପେକ୍ଷାରେ ଓ ୧୦ଜଣଙ୍କ ମୃତ୍ୟୁ ହୋଇଥିବା ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ବିରଞ୍ଚିି ଧରୁଆ ସୁଚନା ଦେଇଛନ୍ତି ।
