ବୌଦ୍ଧ / ବlଉଁଶୁଣି – ଗତକାଲି ରାତି ପ୍ରାୟ ଘ9. 40 ମିନିଟ ସମୟରେ ଜାତୀୟ ରାଜପଥ ନମ୍ବର 57ର ଜମଟlଙ୍ଗୀ ଛକ ନିକଟରେ ଗୋଟିଏ ମହିନ୍ଦ୍ରା ପିକ୍ଅପ୍ ଓ ବାଇକ ମଧ୍ୟରେ ଧକ୍କା ହେବା ଫଳରେ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ବlଉଁଶୁଣି ପଟରୁ ଜମଟାଙ୍ଗୀ ଆଡକୁ ଆସୁଥିବା ଗୋଟିଏ ମହିନ୍ଦ୍ରା ପିକ୍ଅପ୍ ଚାଳକ ବିନା ଇଂଡିକେଟର ରେ ଜମ ଟାଙ୍ଗୀ ଗାଆଁ ଭିତରକୁ ଯିବା ପାଇଁ ହଠାତ୍ କାଟି ଦେଇଥିଲା l ଫଳରେ ବିପରିତ ଦିଗରୁ ଆସୁଥିବା ଆପାଚି ବାଇକ ଓଡ଼ି 31G 1019 ପିକ୍ ଅପ୍ ସହ ଧକ୍କା ହୋଇଥିଲା ଓ ବାଇକ ଆରୋହୀ ବlଉଁଶୁଣି ଗଡଭିତର୍ ସାହିର ଧୀରେନ ନାଏକ (21) ଗୁରୁତର ଆହତ ହୋଇଥିଲେ | ସୋନପୁର ଡାକ୍ତରଖାନାରୁ ରୋଗୀ ଛାଡି ରାସ୍ତାରେ ଫେରୁଥିବା 108 ଆମ୍ବୁଲାନସ୍ ଯୋଗେ ଆହତଙ୍କୁ ବlଉଁଶୁଣି ଡାକ୍ତରଖାନାରେ ଭର୍ତ୍ତି କରାଯାଇଥିଲା | ଅବସ୍ଥା ଗୁରୁତର ଥିବାରୁ ତାଂକୁ ସୋନପୁର ଓ ପରେ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି l ଦୁର୍ଘଟଣା ଘଟାଇଥିବା ପିକ୍ଅପ୍ ସ୍ଥାନୀୟ ଅଞ୍ଚଳର ବୋଲି ପ୍ରତ୍ୟକ୍ଷଦର୍ଶୀ ପ୍ରକାଶ କରିଛନ୍ତି | ଦୁର୍ଘଟଣା ସମ୍ପର୍କରେ ମନମୁଣ୍ଡା ଥାନାରେ ଆଜି ମଧ୍ୟାହ୍ନ ସୁଦ୍ଧା କୌଣସି ଅଭିଯୋଗ ହୋଇନଥିବା ଜଣାଯାଏ l
