ବୌଦ୍ଧ,୧/୧୨- ଆଜି ସନ୍ଧ୍ୟା ସମୟରେ ବୌଦ୍ଧ- ହରଭଙ୍ଗା ଶ୍ରୀ ଜଗନ୍ନାଥ ସଡକର ବୁର୍ଲା ଘାଟୀ ନିକଟରେ ଭାରସାମ୍ୟ ହରାଇ ବାଇକ ଦୁର୍ଘଟଣା ହେବାରୁ ଦୁଇ ଜଣ ଆରୋହୀ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ହରଭଙ୍ଗା ବ୍ଲକ୍ ରାମଗଡ଼ ଗ୍ରାମ ପଞ୍ଚାୟତ ଉଆଁଲ ଗ୍ରାମର ସୁନୀଲ ମହାକୁଡ (27) ଓ ରଂଜିତ ପ୍ରଧାନ (30) କୌଣସି କାମରେ ହରଭଙ୍ଗା ଯାଇ ସନ୍ଧ୍ୟା ସମୟରେ ନିଜ ଗ୍ରାମକୁ ଫେରୁଥିଲେ l ବୁର୍ଲା ଗ୍ରାମ ନିକଟ ଘାଟୀ ନିକଟରେ ଭାରସାମ୍ୟ ହରାଇ ବାଇକ ଘାଟୀ ତଳକୁ ଖସି ପଡିଥିଲା ଓ ଉଭୟ ଆରୋହୀ ଗୁରୁତର ଆହତ ହୋଇଥିଲେ | ସ୍ଥାନୀୟ ଅଧିବାସୀ ଅରୁପl ନନ୍ଦ ଦୀପ, ବବଲୁ ଦୀପ ଓ ଦୀପକ ବଘାର୍ ସେମାନଙ୍କୁ ଉଦ୍ଧାର କରି ନିଜ ବାଇକ ଯୋଗେ ହରଭଙ୍ଗା ଡାକ୍ତରଖାନା ନେଇଥିଲେ | ଉଭୟଙ୍କ ଅବସ୍ଥା ଗୁରୁତର ଥିବାରୁ 108 ଆମ୍ବୁଲାନସ୍ ଯୋଗେ ପ୍ରଥମେ ପୁରୁଣା କଟକ ଓ ପରେ ବୌଦ୍ଧ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା |
