ବୌଦ୍ଧ,୪/୧୨- ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ରଙ୍କ ନିର୍ଦ୍ଦେଶକ୍ରମେ ଆଜି ପୁଣି ଗଞ୍ଜେଇ ଗଛକଟା ଅଭିଯାନ କରାଯାଇଥିଲା । ଅବକାରୀ ଅଧୀକ୍ଷକ ଶ୍ରୀମତୀ କ୍ରିଷ୍ଣା ନାଏକଙ୍କ ତତ୍ତ୍ୱାବଧାନରେ ଅବକାରୀ ନିରୀକ୍ଷକ ବିଜୟ କୁମାର ଧରୁଆଙ୍କ ନେତୃତ୍ୱରେ ଗୋଚ୍ଛାପଡା ପଂଚାୟତର ଦୁମଦୁମା ଗ୍ରାମ ଆଭ୍ୟନ୍ତରୀଣ ଜଙ୍ଗଲ ମଧ୍ୟରେ ଚଢଉ କରାଯାଇଥିଲା । ଏହି ଚଢଉରେ ୧ଲକ୍ଷ ୫୬ହଜାର ଗଞ୍ଜେଇଗଛ କାଟି ପୋଡିଦିଆଯାଇଥିଲା ଯାହାର ଆନୁମାନିକ ମୂଲ୍ୟ ୧୫କୋଟି ୬୦ଲକ୍ଷ ଟଙ୍କା ହେବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି । ଏହି ଚଢାଉରେ ମାଜିଷ୍ଟ୍ରେଟ ଭାବରେ ସତ୍ୟଜିତ ମହାପାତ୍ର, ଇନିସପେକ୍ଟର ବିଜୟ ଧରୁଆ, ଅବକାରୀ ବିଭାଗ ଓଆଇସି ରମେଶ ଚନ୍ଦ୍ର ମହାନ୍ତି, ଏଏସଆଇ ରୂପେଶ ମୁଖୀ, କନଷ୍ଟେବଳ ପ୍ରିୟରଞ୍ଜନ କହଁର, ଅଞ୍ଜଳି ଅମାତ, ଜୟନ୍ତ କୁମାର ପ୍ରଧାନ ପ୍ରମୁଖ ସାମିଲ ଥିଲେ ।
