ବୌଦ୍ଧ,୬/୧୨- ବୌଦ୍ଧ ଜିଲ୍ଲାର ୫୭ନଂ ଜାତୀୟ ରାଜପଥ ଗୁଦୁଗୁଦା ଛକ ଠାରୁ ୧କିଲୋମିଟର ଦୂରରେ ଥିବା ପୁରୁମୁଣ୍ଡା ଗ୍ରାମ୍ୟ ରାସ୍ତା ନିକଟରେ ଭାରସାମ୍ୟ ହରାଇ ବିଦ୍ୟୁତ ଖୁଣ୍ଟରେ ପିଟିହୋଇ ଜଣେ ଗୁରୁତର ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଛେଳିବାହାଳି ଗ୍ରାମର ବିଜୟ ମେହେର କୌଣସି କାମରେ ପୁରୁମୁଣ୍ଡା ଆସିଥିଲେ ସେଠାରେ ଥିବା ଏକ ବିଦ୍ୟୁତ ଖୁଣ୍ଟରେ ବାଡେଇ ହୋଇ ଦୁର୍ଘଟଣା ଘଟି ଗୁରୁତର ହୋଇଥିବା ଜଣାପଡିଛି । ବାଇକଟି ଦ୍ରୁତ ଗତିରେ ଥିବାବେଳେ ବୁଲାଣି ରାସ୍ତା ହୋଇଥିବାରୁ ଭାରସାମ୍ୟ ହରାଇ ଦୁର୍ଘଟଣା ଘଟିଥିବା ଜଣାପଡିଛି । ଗ୍ରାମର ଲୋକମାନେ ଉଦ୍ଧାର କରି ବାଉଁଶୁଣି ଦମକଳ ବାହିନୀକୁ ଖବର ଦେଇଥିଲେ ଓ ବାଉଁଶୁଣି ଦମକଳ ଦ୍ୱାରା ବାଉଁଶୁଣି ମେଡ଼ିକାଲରେ ତାଙ୍କୁ ଭର୍ତ୍ତି କରାଯାଇ ଚିକିତ୍ସା ଚାଲିଛି ।
