ବୌଦ୍ଧ/ବାଉଁଶୁଣୀ,୭/୧୨ -ଜାତୀୟ ରାଜପଥ ନମ୍ବର 57ର ଜମଟlଙ୍ଗୀ ନିକଟସ୍ଥ ଗୁଦୁଗୁଦା ପୋଲ ନିକଟରେ ଗତ ରାତି ପ୍ରାୟ 11 ଘଣ୍ଟା ସମୟରେ ଦୁଇଟି କାର୍ ମଧ୍ୟରେ ଧକ୍କା ହେବା ଫଳରେ ଉଭୟ ଗାଡ଼ି ରାସ୍ତା ତଳକୁ ଖସି ଦୁର୍ଘଟଣାଗ୍ରସ୍ତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଗତକାଲି ରାତି ପ୍ରାୟ 11 ଘଣ୍ଟା ସମୟରେ ସୋନପୁର ପଟରୁ ଗୋଟିଏ ସ୍ଵିଫ୍ଟ ଡିଜାୟର୍ କାର ଓଡ଼ି 02 ବି ଏଫ 2517 ଓ ମାରାଜୋ କାର୍ ଓଡ଼ି 31 ଜି 6453 ଆଗ ପଛ ହୋଇ ଆସୁଥିଲେ l ଗୁଦୁଗୁଦା ପୋଲ ପାର୍ ହେବା ପରେ ଥିବା ହମ୍ପସ୍ ନିକଟରେ ଆଗରେ ଆସୁଥିବା ସ୍ବିଫ୍ଟ ଡିଜାୟର୍ କାର୍ ବ୍ରେକ୍ ଦେଇଥିଲା l ପଛରେ ଆସୁଥିବା ମାରାଜୋ କାର୍ ଆଗ ଗାଡିର ପଛରେ ଧକ୍କା ଦେଇଥିଲା l ଫଳରେ ଭାରସାମ୍ୟ ହରାଇ ଉଭୟ ଗାଡ଼ି ପ୍ରାୟ 20 ଫୁଟ୍ ରାସ୍ତା ତଳକୁ ଖସି ପଡିଥିଲା l ଦୁର୍ଘଟଣାରେ କୌଣସି ଯାତ୍ରୀ ଗୁରୁତର ଆହତ ହୋଇ ନ ଥିବା ଜଣା ପଡିଛି l ମନମୁଣ୍ଡା ପୋଲିସ୍ ଘଟଣା ସ୍ଥଳରେ ପହଂଚି ତଦନ୍ତ କରୁଥିବା ଜଣା ପଡିଛି l
