ବୌଦ୍ଧ,୯/୧୨- ବୌଦ୍ଧଜିଲ୍ଲା ହରଭଙ୍ଗା ଥାନା କୁଶଙ୍ଗ ଗ୍ରାମର ଚାଷୀ ନିରଞ୍ଜନ ଦେହୁରୀଙ୍କ ଖଳାରେ କେହି ଦୁର୍ବୃତ୍ତ ନିଆଁ ଲଗାଇ ଦେବାରୁ 6 ଗୋଟି ଧାନ ଖରୀ ଜଳି ପୋଡି ପାଉଁଶ ହୋଇ ଯାଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ କୁଶଙ୍ଗ ଗ୍ରାମର ନିରଞ୍ଜନ ଦେହୁରୀ ତାଙ୍କର କଷ୍ଟ ଉପାର୍ଜିତ ଧାନ ଶସ୍ୟ ବିଲରୁ କାଟି ଅମଳ ପାଇଁ ଖଳାରେ 6 ଟି ଖରୀ ମାରି ରଖିଥିଲେ l ମଙ୍ଗଳ ବାର ଭୋର ସମୟରେ କେହି ଦୁର୍ବୃତ୍ତ ଧାନ ଖରୀରେ ନିଆଁ ମାରି ଦେବାରୁ ଅମଳ ପାଇଁ ଥିବା ସମସ୍ତ ଖରୀ ପୋଡି ଯାଇଥିଲା l ଖଳାରେ ନିଆଁ ଲାଗିଥିବା ଦେଖି ତୁରନ୍ତ ହରଭଙ୍ଗା ଦମକଳ ବାହିନୀକୁ ଖବର୍ ଦେଇଥିଲେ | ଦମକଳ ବାହିନୀ ନିଆଁକୁ ଆୟତ୍ତ କରିଥିଲେ ମଧ୍ୟ ତା ପୁର୍ବରୁ ସବୁ ଧାନ ଶସ୍ୟ ପୋଡି ପାଉଁଶ ହୋଇ ଯାଇଥିଲା l କେହି ପୂର୍ବ ଶତ୍ରୁତାରୁ ଏଭଳି କାଣ୍ଡ କରିଥିବା ସନ୍ଦେହ କରାଯାଉଛି l ତାଂକର ବର୍ଷକର ଆୟ ସମ୍ପୂର୍ଣ୍ଣ ନଷ୍ଟ ହୋଇ ଯାଇଥିବାରୁ ସରକାର କ୍ଷତିପୂରଣ ପ୍ରଦାନ କରିବାକୁ ନିରଞ୍ଜନ ଦାବୀ କରିଛନ୍ତି |
