ବୌଦ୍ଧ,୧୦/୧୨ – ବୌଦ୍ଧଜିଲ୍ଲା କଣ୍ଟାମାଳ ବ୍ଲକ ବରଗାଁ ଗ୍ରାମ ପଞ୍ଚାୟତର ସୌରୀବେଙ୍ଗେସ ଗ୍ରାମର ସରକାରୀ ପ୍ରାଥମିକ ବିଦ୍ୟାଳୟ ଓ ଅଙ୍ଗନବାଡି କେନ୍ଦ୍ର ପରିସରରେ ନୂତନ ନଳକୂପ ସ୍ଥାପନପାଇଁ ଗ୍ରାମବାସୀ ଦାବୀ କରିଛନ୍ତି । ଗୋଟିଏ ପରିସରରେ ଉଭୟ ଅନୁଷ୍ଠାନ ରହିଛି ଓ ବହୁ ବର୍ଷ ପୂର୍ବରୁ ଗୋଟିଏ ନଳକୂପ ରହିଛି । ଉକ୍ତ ନଳକୂପର ଜଳ ପାନୀୟ ଉପଯୋଗୀ ହେଉନଥିବା ଯୋଗୁଁ ନୂତନ ନଳକୂପ ଖୋଳାଯିବାକୁ ଗ୍ରାମବାସୀ ଅନୁରୋଧ କରି ଆସୁଛନ୍ତି । ନଳକୂପରେ ଲୌହମିଶ୍ରିତ ଜଳ ଆସୁଛି ଓ ଗନ୍ଧ ହେଉଥିବା ଯୋଗୁଁ ଛାତ୍ରଛାତ୍ରୀମାନେ ବ୍ୟବହାର କରୁ ନଥିବା ହେତୁ ସେହି ପରିସରରେ ଅନ୍ୟ ଏକ ସ୍ଥାନରେ ନଳକୂପ ଖୋଳାଯିବାକୁ ଗ୍ରାମବାସୀ ଦାବୀ କରିଛନ୍ତି । ଏ ଦିଗରେ ପଞ୍ଚାୟତିରାଜ ଓ ପାନୀୟ ଜଳ ଯୋଗାଣ ବିଭାଗ ପଦକ୍ଷେପ ନେବାକୁ ଜନସାଧାରଣ ଅନୁରୋଧ କରିଛନ୍ତି ।
