ବୌଦ୍ଧ,୧୬/୧୨ – ବୌଦ୍ଧଜିଲ୍ଲା ହରଭଙ୍ଗା ବ୍ଲକ ବୀରନରସିଂପୁର ଠାରେ ଚାଲିଥିବା ଗଡଜାତ ମହୋତ୍ସବର ଆଜି ଦ୍ୱିତୀୟ ଦିନରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ବୌଦ୍ଧଜିଲ୍ଲାପାଳ ଲଲାଟେନ୍ଦୁ ମିଶ୍ର ମୁଖ୍ୟଅତିଥି ଭାବେ ଯୋଗଦେଇ ବିଭିନ୍ନ ସେବାମୂଳକ କାର୍ଯ୍ୟକ୍ରମ ମାଧ୍ୟମରେ ଗଡଜାତ ମହୋସ୍ୱର କରୋନା କଟକଣାରେ ପାଳନ କରାଯାଉଥିବାରୁ ପ୍ରଶଂସା କରିଥିଲେ । କରୋନା ପରିସ୍ଥିତିରେ ସମସ୍ତ କ୍ଷେତ୍ର କର୍ମଚାରୀଙ୍କୁ ନେଇ ସଫଳ ମୁକାବିଲା କରି ଜିଲ୍ଲାବାସୀଙ୍କ ପାଇଁ ସମର୍ପିତ କାର୍ଯ୍ୟ କରିଥିବାରୁ ପରିଷଦ ତରଫରୁ ଜିଲ୍ଲାପ୍ରଶାସନର ମୁଖ୍ୟ କୋଭିଡ ଯୋଦ୍ଧା ସମ୍ମାନରେ ଜିଲ୍ଲାପାଳଙ୍କୁ ବରିଷ୍ଠ ନାଗରିକ ପୂର୍ଣ୍ଣଚନ୍ଦ୍ର ମହାକୁଡ ସମ୍ବର୍ଦ୍ଧିତ କରିଥିଲେ । ବିଶିଷ୍ଟ ଶିଳ୍ପପତି ସଞ୍ଜିବ କୁମାର ଅଗ୍ରୱାଲ ସମ୍ମାନୀତ ଅତିଥି ଭାବେ ଯୋଗ ଦେଇଥିବାବେଳେ ଅଧ୍ୟକ୍ଷ ବିଶ୍ୱଜିତ ମିଶ୍ର ଶିବିର ପରିଚାଳନା କରିଥିଲେ । ସଂପାଦକ ଦେବାଶିଷ ମହାକୁଡ ଧନ୍ୟବାଦ ଅର୍ପଣ କରିଥିଲେ । ବୌଦ୍ଧ ସଦର ମହକୁମାର ମେଡିକାଲଟିମ ଶିବିର ପରିଚାଳନା କରି ୩୧ ୟୁନିଟ ରକ୍ତ ସଂଗ୍ରହ କରିଥିଲେ ।
