ବୌଦ୍ଧ,୧୭/୧୨- ଜାତୀୟ ରାଜପଥ ନମ୍ବର 57ର ସିଙ୍ଗାରୀ ନିକଟରେ ଗତକାଲି ବିଳମ୍ବିତ ରାତିରେ ତୈଳ ବୋଝେଇ ଟେଙ୍କର ସହ ଗୋଟିଏ ହୁଣ୍ଡାଇ କାର୍ ମଧ୍ୟରେ ମୁହାମୁହିଁ ଧକ୍କା ହୋଇଥିବା ଖବର ମିଳିଛି l ମିଳିଥିବା ସୂଚନା ଅନୁଯାୟୀ ଗତ ବିଳମ୍ବିତ ରାତିରେ ଭାରତ ପେଟ୍ରୋଲିୟମର ଗୋଟିଏ ତୈଳ ବୋଝେଇ ଟେଙ୍କର ଓଡ଼ି 09 7321 ବୌଦ୍ଧ ପଟରୁ ସୋନପୁର ଅଭିମୁଖେ ଯାଉଥିବା ବେଳେ ସୋନପୁର ପଟରୁ ବୌଦ୍ଧ ଆଡକୁ ଆସୁଥିବା ଓ.ଆର. 15 ଏନ 7806 ମଧ୍ୟରେ ଜାତୀୟ ରାଜପଥ ନମ୍ବର 57ର ସିଙ୍ଗାରୀ ନିକଟରେ ମୁହଁlମୁହିଁ ଧକ୍କା ହୋଇଥିଲା | ଦୁର୍ଘଟଣା ପରେ ଟେଙ୍କରଟି ରାସ୍ତା ଉପରେ ଓଲଟି ପଡିଥିଲା l କାରଟି ମଧ୍ୟ ରାସ୍ତା ତଳକୁ ଖସି ପଡିଛି l ବିଳମ୍ବିତ ରାତିରେ ଦୁର୍ଘଟଣା ଘଟିଥିବା ହେତୁ କେତେ ଜଣ ଆହତ ହୋଇଛନ୍ତି କି ଗୁରୁତର ହୋଇଛନ୍ତି ତାହା ଜଣା ପଡି ନାହିଁ | ବାଉଁଶୁଣୀ ପୋଲିସ୍ ପହଂଚି ତଦନ୍ତ କରୁଛି |
