ବୌଦ୍ଧ,୧୭/୧୨ – ଜାତୀୟ ରାଜପଥ ନମ୍ବର 57ର ମନମୁଣ୍ଡା ନିକଟ ବାସୁଦେବ ପାଲି ନିକଟରେ ଆଜି ଅପରାନ୍ହ ପ୍ରାୟ 1 ଘଣ୍ଟା ସମୟରେ ଗୋଟିଏ କାର୍ ଭାରସାମ୍ୟ ହରାଇ ଦୁର୍ଘଟଣା ହେବାରୁ ଦୁଇ ଜଣ ଗୁରୁତର ଆହତ ହୋଇଛନ୍ତି | ମିଳିଥିବା ସୂଚନା ଅନୁଯାୟୀ ଆଜି ଅପରାନ୍ହ 1 ଘଣ୍ଟା ସମୟରେ ବୌଦ୍ଧ ପଟରୁ ସୋନପୁର ଆଡକୁ ଯାଉଥିବା ପଶ୍ଚିମ ବଙ୍ଗ ରାଜ୍ୟ ସରକାରୀ ସେବାରେ ଲାଗିଥିବା ଗୋଟିଏ କାର୍ WB34AB 3737 ମନମୁଣ୍ଡା ଥାନା ବାସୁଦେବପାଲି ନିକଟରେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା | କାରଟି ଜଣେ ବାଇକ ଆରୋହୀଙ୍କୁ ବଞ୍ଚାଇବାକୁ ଯାଇ ଭାରସାମ୍ୟ ହରାଇ ଖେଳ ପଡିଆ ପାଚେରୀ ଦେହରେ ଧକ୍କା ଦେଇଥିଲା l କାର୍ ଡ୍ରାଇଭର ସମେତ ଅନ୍ୟ ଜଣେ ଯାତ୍ରୀ ଗୁରୁତର ଆହତ ହୋଇଥିଲେ | ସେମାନଙ୍କୁ ସୋନପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା |
